సౌండ్ తగ్గని సీఎం- హైకమాండ్ తలనొప్పి

Posted: 09/03/2013 12:43 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి రోజు రోజుకి స్వరంలో సౌండ్ పెంచుతున్నారు. సమైక్యాంద్ర కోసం సీఎం లో తగ్గని సౌండ్ వినిపిస్తుంది. సీఎం వినిపిస్తున్న సౌండ్ తో కాంగ్రెస్ హైకమాండ్ కు తలనొప్పిగా మారినట్లు కాంగ్రెస్ వర్గాలు అంటున్నాయి. సీఎం వ్యవహార శైలి అధిష్టానం పెద్దలకు మింగుడు పడటం లేదని ఢిల్లీలోని సీమాంద్ర నాయకులు చెవులుకొరుకుంటున్నారు. సోనియా గాంధీకి సీఎం వినిపించే సమైక్య సౌండ్ తో కొరకరాని కొయ్యగా మారుతున్నాడని ఢిల్లీ వర్గాలు అంటున్నాయి. అయితే రాష్ట్ర ప్రజల ద్రుష్ట్యా చూస్తే సీఎం కిరణ్ చేస్తున్నది ఒక సాహసంగా కనబడుతుందని పార్టీలోని సీనియర్ నాయకులు అంటున్నారు. కేంద్రంతో అమీతుమీ తేల్చుకునే విధంగా సీఎం కిరణ్ వ్యవహరిస్తున్నట్లు కనబడుతుంది.ఇందులో భాగంగానే గతంలో రెండుసార్లు కాంగ్రెస్ హైకమాండ్ కు పరోక్షంగా హెచ్చరించిన విషయం తెలిసిందే. అయితే మరోసారి సీఎం తనలో ఉన్న సమైక్య సౌండ్ కాంగ్రెస్ హైకమాండ్ వినిపించినట్లు తెలుస్తోంది. రాష్ట్ర విభజన జరిగితే రాయలసీమ నీరు లేక అట్టుడికుతుంది, అంతేకాకుండా ఐదు జిల్లాల ప్రజలకు త్రాగు నీరు లేక అల్లాడిపోతారని మరోసారి సీఎం కిరణ్ స్వరం వినిపించారు. శ్రీశైలం జల ప్రాజెక్టు కేంద్రం బిందువుగా తయారవుతుందని అన్నారు. రైతుల సమస్యలు తీర్చాకే రాష్ట్ర విభజన నిర్ణయం చేయాలని సీఎం చెప్పటం జరిగింది. కేంద్రం వాస్తవ పరిస్థితుల్ని గమనించి, అన్నీ సమస్యలను అద్యాయనం చేసి విభజనపై ముందుకు వెళ్లాల్సి పరిస్థితి ఎంతైనా ఉందని సీఎం చెప్పటంతో.. కాంగ్రెస్ పార్టీలో సోనియా గాంధీ వర్గం వారు షాక్ తిన్నారు. అంతేకాకుండా స్వప్రయోజనాల కోసం మాట్లాడే మాటలు కాదని, కేవలం రాష్ట్రంలో ప్రజల శ్రేయస్సు కోసమే నేను చెబుతున్నానని సీఎం తనలో సమైక్య సౌండ్ ను కేంద్రనికి మళ్లీ వినిపించారు. ఒకే వేళ రాష్ట్ర విభజన జరిగితే.. మాత్రం ఇప్పటివరకు కర్ణాటక, ఆంద్రాల మద్య తలెత్తిన నీటి తగాదాలే, తెలంగాణ, ఆంద్ర ప్రాంతాల మద్య తలెత్తడం ఖాయమని సీఎం చెప్పటం జరిగింది. ఒకరకంగా సీఎం చెప్పిన మాటాల్లో చాలా నిజం ఉందని కాంగ్రెస్ నాయకులే అనటం విశేషంగా ఉంది. రాష్ట్ర విభజన జరిగితే మాత్రం పూర్తిగా నష్టపోయేది సీమాంద్ర ప్రజలే అని సీఎం చెప్పటంతో..కాంగ్రెస్ పార్టీలో కొంతమంది నాయకులు సీఎం చేసిన సమైక్య సౌండ్ కు సపోర్టు చేస్తున్నారని కొన్ని మీడియా వర్గాలు అంటున్నాయి. సమైక్య సౌండ్ పెంచిన సీఎం పై కాంగ్రెస్ హైకమాండ్ ఎలాంటి నిర్ణయం తీసుకుంటుందో చూడాలి.