సత్తిబాబు భార్యకు ఇష్టంలేని సమైక్యాంద్ర ఉద్యమం?

Posted: 08/08/2013 11:38 AM IST

సత్తిబాబు భార్య అంటే ఎవరు కాదు.. మన పీసీసీ అధ్యక్షుడు బొత్స సత్యనారాయణ సతీమణి విజయనగరం ఎంపీ బొత్స ఝాన్సీ సమైక్యాంద్ర ఉద్యమానికి వ్యతిరేకమా? అంటే అవుననే అంటున్నారు కాంగ్రెస్ నాయకులు, టిడిపీ ఎంపీలు. గత మూడు రోజుల నుండి లోక్ సభ , రాజ్యసభ లో సీమాంద్ర ఎంపీలు సమైక్యాంద్రకు మద్దతుగా రాష్ట్ర విభజనను వ్యతిరేకిస్తూ ఆందోళన చేసిన విషయం తెలిసిందే. అయితే ఆ సమయంలో అందురు సమైక్యాంద్రకు మద్దతుగా ప్లకార్డులు పట్టుకోని స్పీకర్ పోడియం వద్దకు వెళ్లటం జరిగింది. అయితే సత్తిబాబు భార్య ఝాన్సీ మాత్రం అందుకు విరుద్దంగా సమైక్యాంద్రాకి జై అని రాసి ఉన్న ప్లకార్డును పట్టుకోవడానికి ఆమె నిరాకరించినట్లు సమాచారం. అంతేకాకుండా లోక్ సభలో సీమాంద్ర కాంగ్రెస్ ఎంపీలు ఆందోళన చేస్తున్న సమయంలో ఆమె అక్కడ కనిపించలేదు. కనీసం వారితో నిలబడానికి కూడా ఆమె నిరాకరించినట్లు కాంగ్రెస్ ఎంపీలు అంటున్నారు. స్వయంగా ఒక కాంగ్రెస్ ఎంపీ బొత్స ఝాన్సీకి ఒక ప్లకార్డు ఇచ్చిన వెంటనే.. ఆమె ఆ ప్లకార్డును తీసి పక్కన పెట్టినట్లుటీడీపీ నాయకులు చెబుతున్నారు. బొత్స ఝాన్సీకి ఏఐసీసీ అధినేత్రి సోనియా గాంధీ మంచి సత్ససంబందాలు ఉన్న విషయం ప్రతి ఒక్కరికి తెలిసిందే. అయితే అంతకు ముందే సోనియా గాంధీ కాంగ్రెస్ ఎంపీలకు కనుసైగలతో వార్నింగ్ ఇవ్వటం జరిగింది. సోనియాగాంధీ కనుసైగాలకు , వేలు చూపులకు కాంగ్రెస్ ఎంపీలు భయబడకుండ ముందుకు వెళ్లటడం సోనియాకు ఆగ్రహం తెప్పించిందని కాంగ్రెస్ నాయకులు అ అంటున్నారు. అయితే మొదటి నుండి బొత్స ఝాన్సీ ఉద్యమానికి దూరంగానే ఉంటుందని కాంగ్రెస్ ఎంపీలు అంటున్నారు. సోనియాగాంధీ సమక్షంలో అలా చేయడం ఎందుకు అనుకున్నారో, లేక తన భర్త సత్తిబాబుకు ఆంద్రకు ముఖ్యమంత్రి అయ్యే అవకాశం ఉందని భావించిందో గానీ మనకైతే తెలియదు. భర్త సత్తిబాబు సమైక్యవాదిగామారినప్పటికి ఆయన భార్యకు అది అంతంగా ఇష్టంలేనట్లుగా ఉందని కాంగ్రెస్ సీనియర్ నాయకులు అంటున్నారు. సత్తిబాబు సమైక్యరాగం పాడుతుంటే.. ఆయన భార్య సమైక్యవాదానికి అంటీ, ముట్టనట్లుగా ఉన్నారని ఢిల్లీ పెద్దలు అంటున్నారు.