షర్మిల రికార్టులు-పార్టీలో నాయకులు పరార్

Posted: 07/29/2013 01:52 PM IST

వస్తున్న మీకోసం అంటూ తెలుగుదేశం పార్టీ అధినేత నారా చంద్రబాబు నాయుడు రాష్ట్రంలో పాదయాత్ర చేస్తున్నప్పుడు .. బాబు పాదయాత్రలో రికార్డులు చేసే కొద్ది .. టిడిపి నాయకులు ఇతర పార్టీల్లోకి జంప్ అయిన విషయం తెలిసిందే. అప్పుడు బాబు ఒక పక్క పాదయాత్ర ద్వారా ప్రజలకు దగ్గరవుతున్న ఆనందం, మరో పక్క పార్టీలోని సీనియర్ నాయకులు గోడ దూకటం లాంటి ఘటనలతో.. చంద్రబాబు నలిగిపోయాని తెలుగు తమ్ముళ్లు ఎన్టీఆర్ భవన్ ల్లో అప్పట్లో చెప్పుకున్నారు. ఆ ఎఫెక్ట్ ఇప్పుడు వైఎస్ఆర్ కాంగ్రెస్ పార్టీకి సోకిందని ఆ పార్టీ కార్యకర్తలు అంటున్నారు. వైఎస్ జగన్మోహన్ రెడ్డి చెల్లెల్లు షర్మిల మరో ప్రజాప్రస్థానం పేరుతో పాదయాత్ర రాష్ట్రంలో మొదలుపెట్టి విషయం తెలిసిందే. షర్మిల పాదయాత్ర వలన ఆమె భార్త అనిల్ బ్రదర్ పై ఎన్నో రాజకీయ విమర్శలు వినిపించాయి. అలాగే పార్టీలోని నాయకుల మద్య విబేధాలు శ్రుతిమించాయి. అయితే షర్మిల పాదయాత్రలో రికార్డులు స్రుష్టింస్తున్న కొద్ది పార్టీలో నాయకులు చెల్లచెదురైపోతున్నారు. తాజాగా షర్మిల మూడు వేల కిలోమీటర్ల మైలురాయిని దాటిందని ఆ పార్టీ మహిళ నాయకులు సంబంరాలు చేసుకుంటున్నారు. అదే పార్టీ మహిళ నాయకురాలు కొండా సురేఖ దంపతులు పార్టీ నుండి బయటకు వెళ్లటానికి సిద్దమైనట్లు గా మీడియాలో వార్తలు వినిపిస్తున్నాయి. తెలంగాణ ప్రాంత నాయకులంత వైఎస్ జగన్ పార్టీని విడేందుకు సిద్దంగా ఉన్నట్లు సమాచారం. ఒక పక్క పార్టీ కోసం పాదయాత్ర చేస్తూ షర్మిల రికార్డులు పుట్టిస్తుంటే.. మరో పక్క పార్టీలోని నాయకులు వెళ్లిపోవటంతో ఆ పార్టీలోని సీనియర్ నాయకులు ఆందోళన చెందుతున్నరని పార్టీ కార్యకర్తలు అంటున్నారు. షర్మిల చేసిన రికార్డులు చూసి ఆనందం పడాలో .. లేక పార్టీలోని సీనియర్ నాయకులు వెళ్లిపోతున్నందుకు బాధపడాలో తెలియక ఆ పార్టీ సీనియర్ నాయకులు ఆందోళన చెందుతున్నారు. పరుగులు తీస్తున్న నాయకులకు కళ్లెం వేసే నాయకుడు లేకపోవటంతో పార్టీ ఇరకాటంలో పడిందనే మాటలు పార్టీ కార్యకర్తలు మద్య వినిపిస్తున్నాయి. ఈ సమస్యలను వైఎస్ఆర్ కాంగ్రెస్ పార్టీ ఎలా పరిష్కారిస్తుందో చూడాలి.