పవన్ సినిమాకు దర్శకులు కరువు

Posted: 07/25/2013 12:49 PM IST

టాలీవుడ్ పవర్ స్టార్ పవన్ కళ్యాణ్ నటిస్తున్న తాజా చిత్రం ‘అత్తారింటికి దారేది ’ విడుదలకు సిద్దం అవుతుంది. ఈ చిత్రాన్ని ఆగష్టు 7న విడుదల చేయడానికి దర్శక, నిర్మాతలు ప్లాన్ చేస్తున్నారు. ఈ చిత్రం ఆగష్టు 2న సెన్సార్ కి కూడా వెళ్లనున్నట్లు సమాచారం. ఈ చిత్రం తరువాత పవన్  సంపత్ నంది దర్శకత్వంలో ‘గబ్బర్ సింగ్ -2 ’ సినిమాలో నటించనున్నట్లు ఎప్పటి నుండో వార్తలు వస్తున్న విషయం తెలిసిందే. కానీ ఇటీవలి కాలంలో ఈ సినిమా పై రకరకాల వార్తలు వస్తున్నాయి. ‘గబ్బర్ సింగ్ -2 ’ టైటిల్ విషయంలో దాని పేటెంట్ హక్కులు కలిగి ఉన్న ‘షోలే ’ చిత్ర నిర్మాత రమేష్ షిప్పి పిల్లలు భారీ మొత్తం డిమాండ్ చేస్తుండటంతో దానికి అంత చెల్లించాల్సే బదులు కొత్త టైటిల్ వెతుక్కోవడం మేలని ఈ చిత్రానికి ‘బెంగాల్ టైగర్ ’ అనే టైటిల్ ని ఖరారు చేసినట్లు ఫిలింనగర్ వర్గాల సమాచారం. అదలా ఉంచితే ఈ చిత్రానికి టైటిల్ ఖారారు అయినా, చిత్ర దర్శకుడు ఖారారు ఖాలేదని కొత్త టాక్. సంపత్ నందితో ఉంటుందన్న చిత్రం క్యాన్సిల్ అయిందని, సంపత్ చెప్పిన కథ పవన్ కి నచ్చలేదని, ఇంత కాలం నుండి ఛాన్స్ ఇచ్చినా ఒక్క కథ కూడా తయారు చేయలేదని అందుకే అతడితో చేయడానికి సుముఖంగా లేడని, ఇంతలో ప్లాపుల దర్శకుడు అయిన మెహర్ రమేష్ తన బంధుత్వం సాకుతో తనదైన స్టైల్లో ఓ సినిమా స్టోరీ వినిపించాడట. దీంతో ఎవరితో సినిమా చేయాలనే డైలామాలో ఉన్నాడట పవన్. ఇక పవన్ సన్నిహితులు మాత్రం సపంత్ నందితో చేస్తే కాస్త బెటర్, మెహర్ రమేష్ తో చేస్తే మాత్రం కష్టం అని సూచిస్తున్నారట. కొత్తగా ఖరారైన ‘బెంగాల్ టైగర్ ’ టైటిల్ కి తగ్గట్లుగా కథను మార్చేసి ఎలాగైనా  ఈ  ‘గబ్బర్ సింగ్ -2 ’ ముహూర్తం నాటికి ఎవరినో ఒక్కర్ని ఖరారు చేయాలని డిసైడ్ అయ్యాడట పవన్.