పట్టుబడ్డ కత్రినా రణబీర్ లు

Posted: 07/11/2013 01:56 PM IST

అతిరహస్యం బట్టబయలు అన్నట్టు ఎవరికీ తెలియకుండా కత్రినా రణబీర్ కపూర్ లు ప్రేమ యాత్రకు స్పెయిన్ కి వెళ్తే అది కాస్తా బయటపడిపోయింది. 

సినిమాయే షో బిజినెస్.  అందులో ఆకర్షణలు వెదజల్లటమే వారి పనైనప్పడు, కెమేరా ముందు పాత్రనుబట్టి నటనగానే చేసినా, మనిషికి మనసనేది ఒకటుందిగా నటీనటులు దగ్గరై నటించే సందర్భాల్లో వారి లోపల కలిగే రసాయనికి ప్రతిచర్య వారిలో కోరికలను, పరస్పర ఇష్టాలను, స్నేహాలను కలగించటానికే ఎక్కువ అవకాశం ఉంది.  అలా సంబంధాలు కలుస్తుంటాయి, విడిపోతుంటాయి. 

కత్రినా కైఫ్ సల్మాన్ ఖాన్ కి ప్రియురాలిగా పేరుతెచ్చుకున్నా, దరిమిలా 2009లో వచ్చిన అజబ్ ప్రేమ్ కీ గజబ్ కహానీ లో రణబీర్ తో కట్టిన జోడీతో ఆ తర్వాత రాజ్ నీతి లో కలిసి చెయ్యటంతో చూసేవారికే చూడముచ్చటైన జోడీ అని అనిపించినప్పుడు మరి వారిద్దరి మధ్యా ఎటువంటి స్నేహాతిశయం కలుగకుండా ఉంటుందా.  రణబీర్ కి దీపికాతో కూడా సన్నిహిత సంబంధమున్నట్లుగా వార్తలు వచ్చినా రణబీర్ మాత్రం కత్రినాకే హృదయాన్ని అర్పించినట్లుగా సన్నిహితులు చెప్పుకుంటున్నారు.

ఇంతకీ స్పెయిన్ కి అంత రహస్యంగా ఎందుకు వెళ్ళారూ అంటే మధ్యలో వచ్చిన కొన్ని పొరపచ్చలను సరిచేసుకోవటానికట.  అర్జున్ కపూర్ ఇచ్చిన పార్టీలో రణబీర్ ఎక్కువగా తన స్నేహితులతోనే గడపటం సహించని కత్రినా కోపంగా ఇంటికి ఒంటరిగా వెళ్ళిపోయిందట.  ఇలాంటి చిన్న చిన్న అలకలే దగ్గరవటానికి బాగా పనికివస్తాయని తెలుసుకాబట్టి, కొద్దిపాటి దూరాలు మరింత దగ్గరవటానికి సాయపడతాయి కాబట్టి ఇద్దరూ ఆ పనిలో స్పెయిన్ వెళ్ళారని తెలిసింది. అయితే ఎప్పుడో ఒకప్పుడు స్పెయిన్ లో అయినా బయటకు రాక తప్పదు కదా.  డేవిడ్ గ్వెట్టా కన్సర్ట్ కి వచ్చి అక్కడ కేమెరాకు చిక్కారు.

-శ్రీజ