బంగారుతల్లి కాదు.. ఎన్నికల తల్లి?

Posted: 07/02/2013 07:19 PM IST

ఈ రోజు మన రాష్ట్రంలో బంగారుతల్లి పుట్టిందని కాంగ్రెస్ పార్టీ నాయకులు సంబంరాలు చేసుకుంటున్నారు.. అయితే బంగారుతల్లి పుట్టిన పదినిమిషాల్లోనే కామెంట్స్ కూడా పుట్టాయి. రాష్ట్రలోని ఆడపిల్లల కోసం బంగారు తల్లి పథకం ప్రవేశ పెట్టడం జరిగిందని కాంగ్రెస్ నాయకులు, రాష్ట్ర ముఖ్యమంత్రి నల్లారి కిరణ్ కుమార్ రెడ్డి మీడియాలో ప్రచారం జోరు పెంచారు. ఈ బంగారుతల్లి పథకం ఇప్పుటి వరకు కాంగ్రెస్ ప్రవేశపెట్టిన, పథకాలకంటే బంగారు తల్లి పథకం గొప్ప పథకం అంటూ.. కాంగ్రెస్ నాయకులు తెల్ల కలర్ ఎగరేస్తున్నారు. కానీ ప్రతిపక్ష నాయకులు మాత్రం ఇది బంగారు తల్లి పథకం కాదు ., ఎన్నికల తల్లి పథకం అంటూ గోల చేస్తున్నారు. కేవలం ఓట్లు కోసమే కాంగ్రెస్ పార్టీ బంగారుతల్లి పథకం ప్రవేశం పెట్టడం జరిగిందని టిడిపి నాయకులు అంటున్నారు. బంగారు తల్లి పథకం అందరికి ఉపయోగపడదని, అతి కొద్దిమందికే ఈ పథకం ఉపయోగపడుతుందని వైసీపీ నాయకులు అంటున్నారు. బంగారు తల్లిని..ఎన్నికల తల్లిగా ప్రవేశపెట్టి రాష్ట్రం ప్రజలను కాంగ్రెస్ పార్టీ మోసం చేస్తుందని ప్రతిపక్ష నాయకులు దుయ్యబట్టారు. అమ్మ హస్తం, నాన్న హస్తం, బంగారుతల్లి పథకం అంటూ సీఎం కిరణ్ ప్రజా ధనాన్ని పథకాల ప్రచారం పేరుతో కోట్ల రూపాయాలు ఖర్చుపెడుతున్నాడని రాజకీయ పార్టీలు గోల చేస్తున్నాయి. ప్రజలకు అవసరమైన నిత్యావసర వస్తువుల రేట్లు పెరిగి, సామాన్య ప్రజలు అల్లాడిపోతున్నారు. పెరిగిన రేట్లను తగ్గించే ఆలోచన చెయ్యకుండా, ఆపథకం, ఈ పథకం అంటూ.. ప్రజలను కాంగ్రెస్ పార్టీ మోసం చేస్తుందని టిడిపి నాయకులు అంటున్నారు. స్థానిక ఎన్నికల్లో కాంగ్రెస్ పార్టీ ప్రజలే బుద్ది చెబుతారని వైసీపీ నాయకులు అంటున్నారు. బంగారు తల్లిని ఎన్నికల తల్లిగా అనటం మంచిది కాదని కాంగ్రెస్ నాయకులు అంటున్నారు.