కిరణ్ కు పాజిటివ్ భజన చేస్తున్న మంత్రి సీఆర్

Posted: 06/24/2013 08:32 PM IST

మంత్రి సి. రామచంద్రయ్య మనస్సు, మాట మార్చుకున్నారు. సీఆర్ మాటల్లో పాజిటివ్ మాటల శాతం ఎక్కువుగా కనిపిస్తుంది. గతంలో రాష్ట్ర ముఖ్యమంత్రి నల్లారి కిరణ్ కుమార్ రెడ్డికి వ్యతిరేకంగా మాట్లాడిన సీఆర్. ఇప్పుడు ఆయన లో చాలా మార్పుల చోటుచేసుకున్నాయి. ఇటీవల ముఖ్మమంత్రి వేటు దెబ్బనుండి తప్పించుకున్న విషయం తెలిసిందే. ఈ విషయంలో కేంద్ర పర్యాటక శాఖ మంత్రి చిరంజీవి రంగంలోకి దిగి..సిఆర్ పై వేటు తొలగించినట్లుగా కాంగ్రెస్ నాయకులు చెప్పుకుంటున్నారు. కిరణ్ వర్గం మాత్రం సీఆర్ ఫై వేటు వేయాలని శతవిదాల ప్రతయ్నం చేసిన విషయం తెలిసిందే. 35ఏళ్ల నుండి కాంగ్రెస్ సేవాలు అందిస్తున్నా మాజీ మంత్రి డిఎల్ పై వేటు వేయటంతో.. సీఆర్ లో వేటు భయం పుట్టినట్లు కాంగ్రెస్ వర్గాలు అంటున్నాయి. అప్పటి వరకు సీఎం కిరణ్ పై ఒంటి కాలు మీద దూకిన సీఆర్ ఇప్పుడు మొత్తబడిపోయారు. సీఎం ప్రవేశపెట్టిన బంగారు తల్లి పై ఘాటైన విమర్శలు చేసిన సీఆరే , ఇప్పుడు ముఖ్యమంత్రి కిరణ్ ప్రవేశపెట్టిన పథకాలు చాలా బాగున్నాయాని కితాబులిస్తున్నాడు. రీసెంట్ గా కడపజిల్లాలో జరిగిన ఏరువాక కార్యక్రమంలో సీఆర్ సీఎంను ఆకాశానికి ఎత్తేశారు. రైతులకు సీఎం పథకాలు మంచి మేలు చేస్తున్నాయని సీఆర్ చెప్పటంతో సభలోని నాయకులు ఆశ్చర్యపోయినట్లు మీడియా వర్గాలు అంటున్నాయి. నిన్నటి వరకు 2014లో రాష్ట్రానికి సీఎం చిరంజీవే, ఆయన వలనే రాష్ట్రం బాగుపడుతుందని మీడియా ముందు ఉకదంపుడుగా ప్రచారం చేసిన సీఆర్, సీఎం కిరణ్ గురించి భజన చేయటంతో సీఆర్ లో వచ్చిన మార్పుకు సీఎం వర్గీయలు చెవులుకొరుకుంటున్నారు..డీఎల్ రవీంద్ర రెడ్డి పైవేటు సీఆర్ లో మార్పు తెచ్చిందని సీనియర్ కాంగ్రెస్ నాయకులు గుసగుసలాడుకుంటున్నారు.