కేకే కు పట్టుకున్న సెంటిమెంట్ భయం..?

Posted: 06/19/2013 12:56 PM IST

కాంగ్రెస్ నుండి టిఆర్ఎస్ పార్టీలోకి చేరిన కొద్ది రోజులకే పార్టీలో రెండు స్థానం దక్కించుకున్న సీనియర్ నాయకుడు కే కేశవరావు. తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర్ రావు ..కేకే రెండో స్థానం ఇస్తున్నట్లు ఆయన ప్రకటించారు. జాతీయ స్థాయిలో కెకే తెలంగాణా విషయాన్ని చూస్తారని ఆయన చెప్పటం వరకు బాగానే ఉంది. కానీ తెలంగాణ భవనలో కేకే కు ప్రత్యేక ఛాంబర్ ఏర్పాటు చేయటంతో.. పార్టీ నాయకులో సెంటిమెంట్ భయం తెరపైకి వస్తుంది. తెలంగాణ భవనం కేసిఆర్ కు తప్పితే ఎవరికి కలిసి రాదనే విమర్శలు పార్టీలో బలంగా వినిపిస్తున్నాయి. ఇది నిజమే అని చెప్పాటానికి కొన్ని ఆధారాలు ఉన్నాయని టీఆర్ఎస్ నాయకులు అంటున్నారు. గతంలో రెండో స్థానంలో ఉన్న నాయకులు అందరు టిఆర్ఎస్ పార్టీని వదిలిపెట్టి ఇతర పార్టీలోకి వెళ్లిన విషయం తెలిసిందే. పార్టీ మొదటి రోజుల్లో కేసిఆర్ మిత్రుడు బిజేపి నుండి వచ్చి టిఆర్ఎస్ లో చేరి, సెకండ్ స్థానంలో ఉన్న ఆలే నరేంద్ర ఇప్పుడు కేసిఆర్ పక్కన లేడు. ఇలా రెండో స్థానంలో ఉన్న ఇద్దరు, ముగ్గురు నాయకులు ఇప్పుడు మరో పార్టీలో ఉన్నారని టీఆర్ఎస్ నాయకులు అంటున్నారు. ఇప్పుడు కేకేకు ఛాంబర్ కేటాయించటంతో టీఆర్ఎస్ నాయకులకు సెంటిమెంట్ భయం పట్టుకుంది. కేసిఆర్ కలిసి వచ్చిన తెలంగాణ భవనం , ఇప్పుడు కేకేకు ఎలా ఉంటుందో చూడాలని టిఆర్ఎస్ నాయకులు అంటున్నారు.