తెలంగాణ నల్ల కుభేరుడి పై నిఘా పెట్టిన సీఎం?

Posted: 04/07/2013 03:53 PM IST

రాష్ట్ర ముఖ్యమంత్రి  నల్లారి కిరణ్ కుమార్ రెడ్డి చేతిలో తెలంగాణ ఎంపీ పీలక చిక్కింది. నిన్నటి వరకు తెలంగాణ కోసం   కాంగ్రెస్ పార్టీ పై ఒంటి కాలు మీద ఎగిరిన తెలంగాణ కాంగ్రెస్ నాయకుడు  జుత్తు కిరణ్ కుమార్ రెడ్డి చేతికి చిక్కింది.  ఆయన ఎవరో కాదు .. సీనియర్ కాంగ్రెస్ నాయకుడు జి. వెంకటస్వామి కొడుకు అయిన ఎంపీ వివేక్.  వి6 ఛానల్స్ తో  రాష్ట్ర రాజకీయలను, కాంగ్రెస్ పార్టీని ఎండకడుతున్న నాయకుడు ఎంపీ వివేక్ పరిస్థితి దారుణుంగా మారిపోయింది.  నిన్నటి వరకు  కింగ్ లాగా తెల్లటి ఖద్దర్ దరించే నాయకుడుగా పేరు తెచ్చుకున్నారు.  అధిష్టానం దగ్గర   ప్రత్యేక తెలంగాణ కావాలని డిమాండ్ చేసిన నాయకుల్లో  ఎంపీ వివేక్ ఒకరు. అయితే  ఇప్పుడు  నల్ల కుభేరుగా మారిపోయారు.  ఇటీవల ఒక ఇంగ్లీష్ పత్రిక భారతదేశంలో ఉన్న నల్లకుభేరుల జాబితాను   బయటపెట్టింది.  ఆ నల్ల కుభేరుల జాబితాలో  మన రాష్ట్రానికి చెందిన ముగ్గురు వ్యక్తుల పేరులు ఉన్న విషయం తెలిసిందే. అయితే ఆ ముగ్గురిలో కాంగ్రెస్ ఎంపీ వివేక్ ఒకరు.  నిన్నటి వరకు తెలంగాణ ఉద్యమానికి మీడియా ద్వారా ఊపిరిపోసి, కాంగ్రెస్ ప్రభుత్వం కన్నెర్రెజేసిన ఎంపీ వివేక్ పరిస్థితి.. ‘‘కుడితిలోపడ్డ ఎలకమాదిరిగా’’ మారిపోయింది.  మచ్చలేని నాయకుడిగా ఖద్దర్ ధరించి, ప్రజల ముందుకు వెళ్లే నాయకుడి వెనక ఉన్న నల్ల మచ్చ ఏమిటో రాష్ట్ర ప్రజలకు, కాంగ్రెస్ నాయకులు, ప్రతిపక్ష నాయకులకు తెలిసిపోయింది.  కాంగ్రెస్ పార్టీపై ప్రత్యర్థులు దాడి చెయ్యటానికి  అస్ర్తం దొరికింది.  ముఖ్యమంత్రి కిరణ్ కుమార్ రెడ్డికి  కూడా ఎంపీ వివేక్ కు కళ్ళెం వేసే ఛాన్స్ దొరికిందని  ఆ పార్టీ సీనియర్ నాయకులు అంటున్నారు.  2014లో  ఎంపీ వివేక్  హస్తాని హ్యాండిచ్చి. గులాబి కారు ఎక్కుతాడేమో చూడాలి.