Posted: 03/20/2013 04:59 PM IST

కోలీవుడ్ టాప్ దర్శకులైన శంకర్, మరుగ దాస్, మణిరత్నం, లాంటి వారు  నిరాహారదీక్ష చేయటానికి  పూనుకున్నారు.  వీరికి నిరాహారదీక్ష చేసే అవసరం ఏముంది.  అనుకుంటే పొరపాటే.  తమిళ ప్రజల కోసం టాప్ డైరెక్టర్లు నిరాహారదీక్ష చేస్తున్నారు.సామాన్య ప్రజల కోసం సెలబ్రేటీలైన  వీరు  నిరాహరదీక్ష చేయటంతో  కోలీవుడ్  కోడైకూస్తుంది. చిన్న, పెద్ద, ధనిక, పేద అని భేదం లేదని  కోలీవుడ్ దర్శకులు  నిరూపించారు.  వీరు ఏదో వారి సినిమాల కోసం మాత్రం నిరాహారాదీక్ష చేయటం లేదు. తమిళ ప్రజల కోసం ఈ దీక్ష చేయటం పై తమిళనాడు ప్రజలు వారికి నిరాజనాలు పలుకుతున్నారు. అసలు విషయం ఏమిటంటే.. శ్రీలంకలోని తమిళులపై జరిపి  పైశాచిక  దాడులను తమిళ సిని దర్శకుల సంఘం ఖండించింది. జెనీవా సమావేశంలో శ్రీలంకకు  వ్యతిరేకంగా  అమెరికా తీసుకొచ్చే తీర్మానానికి  భారత ప్రభుత్వం  మద్దతివ్వాలని  డిమాండ్ చేస్తూ  ఆ సంఘం  ఆధ్వర్యంలో  ఒక రోజు నిరాహారదీక్ష  చేస్తున్నట్లు సమాచారం. అయితే  ప్రముఖ దర్శకులతో పాటు తమిళ ప్రజలు  స్వచ్చందంగా నిరాహారదీక్షలో పాల్గొంటున్నారు. 

వీరికి మద్దతుగా నటి సుహాసిని , గౌతం మీనన్,  బాలాలీజ శక్తివేల్,  ఎస్ జే సూర్య దీక్షలో కూర్చున్నారు.  ఈ ప్రముఖ దర్శకుల చేస్తున్న  నిరాహారదీక్షతో చెన్నై ప్రజల్లో  చైతన్యం వచ్చినట్లు కోలీవుడ్ వర్గాలు అంటున్నాయి. సమస్య పై అందరం కలిసి పోరాటం చేస్తేనే  పరిష్కారం అవుతుందని కోలీవుడ్ దర్శకుల సంఘం అంటుంది.  కోలీవుడ్  దర్శకుల సంఘం చేసిన నిరాహారదీక్ష  అన్ని సినిమా ఇండస్ట్రీలకు నిదర్శనమని  కోలీవుడ్ వర్గాలు అంటున్నాయి.