Posted: 03/17/2013 11:21 AM IST

అభిమానిని చాచి కొట్టిన హిందీ సినీ నటుడు, కాంగ్రెస్ పార్టీ పార్లమెంటు సభ్యుడు గోవిందకు క్రిమినల్ కేసు కింది శిక్ష పడింది.

2008 లో గోవింద మనీ హైతో హనీ హై అనే సినిమా చిత్రీకరణలో ఉండగా షూటింగ్ చూడటం కోసం వచ్చిన అతని అభిమాని కొంచెం ఎక్కువగా చేస్తున్నాడని అతన్ని చాచి ఒక్కటిచ్చాడు. అది అంతటితో ఆగకుండా పోలీస్ కేసు, దరిమిలా కోర్టు విచారణ వరకూ పోయింది. బోరివిలి కోర్టులో గోవింద మేజిస్ట్రేట్ ముందు హాజరయ్యారు.

అతను మరీ ఎక్కువ చేసాడు, ఆడవాళ్ళను రాసుకుంటూ తిరగుతూ అసభ్యంగా ప్రవర్తించాడని గోవింద తన తరఫునుంచి తన చర్యను సమర్థించుకుంటూ వాదించాడు. కానీ గోవింద మీద ఐపిసి సెక్షన్ 352, 323, 506 ల కింద కేసులు నమోదయ్యాయి.

గోవిందా లాయర్ అఖిలేష్ దుబే మాట్లాడుతూ, ఏప్రిల్ 24 కి ఈ కేసు విచారణకు వస్తుందని తెలియజేసారు.