Posted: 03/13/2013 12:39 PM IST

2జి కుంభకోణంలో చిలకపలుకులు పలికించిన కేబినెట్ సెక్రటరీ.

మాజీ క్యాబినెట్ సెక్రటరీ కె.ఎమ్ చంద్రశేఖర్ 2జి కుంభకోణంలో సాక్ష్యాలు చెప్పవలసిన అధికారులను అనేకమార్లు కలిసినట్టుగా ఆధారాలు లభించాయి.  వాళ్ళంతా 2జి కుంభకోణంలో జాయింట్ పార్లమెంటరీ కమిటీ, పబ్లిక్ ఎకౌంట్స్ కమిటీ ల ముందు తమ సాక్ష్యాలను వినిపించవలసినవాళ్ళు.  ప్రధాన మంత్రి మన్మోహన్ సింగ్ కి వ్యతిరేకంగా వాళ్ళు చెప్పకుండా ఉండటం కోసం చంద్రశేఖర్ ఆయా అధికారులకు ముందుగానే తర్ఫీదు ఇవ్వటంతో జెపిసి, పిఏసీలు స్వతంత్రంగా దర్యాప్తుని ప్రారంభించిన లక్ష్యమే దెబ్బతిన్నది.  

జెపిసి, పిఏసిలు దాదాపూ ఒక చిన్న పార్లమెంటు అన్నట్లే.  అటువంటి విచారణకు ముందుగానే సాక్ష్యుల మధ్య ఇమెయిల్స్ నడిచాయి.  వాటిలో సవరణలు జరిగాయి.  వాళ్ళు ఏం చెప్పాలి, ఏం ప్రకటించాలి అన్నదానిమీద ముందుగానే వాళ్ళని తయారు చెయ్యటం జరిగింది.  అలా ముందస్తు తయారీలో ఉన్నవాళ్ళల్లో మంత్రులు, ఉద్యోగులు, రాజకీయ నాయకులు ఉన్నారు.  ప్రధానిని అందులోంచి తప్పించటమే ఉద్దేశ్యంగా చేసిన ఈ ట్రైనింగ్ లో ముఖ్య సూత్రధారిగా క్యాబినెట్ సెక్రటరీ ఉండటం అత్యంత అభ్యంతరకరమని సిపిఐ నాయకుడు గురుదాస్ దాస్ గుప్తా అన్నారు.  దీనివలన జెపిసి స్వతంత్రంగా చేసే విచారణ లక్ష్యమే దెబ్బతింటున్నదని ఆయన జెపిసి ఛైర్మన్ పి.సి.చాకోకి రాసిన లేఖలో పేర్కొన్నారు.

-శ్రీజ