Posted: 03/08/2013 07:33 PM IST

దివంగత ముఖ్యమంత్రి రాజశేఖర్ రెడ్డి  ఆర్థిక పెట్టుబడితో.. రాజకీయాల్లోకి దిగిన  సినీ నటి , సికింద్రాబాద్  ఎమ్మెల్యే  జయసుధ పరిస్థితి  కాంగ్రెస్ పార్టీ లో  దారుణంగా తయారైంది.  సికింద్రాబాద్ ప్రజలకు హమీల వర్షం కురిపించి   గెలిచిన జయసుధ  ఇప్పటి వరకు ఒక్క హామీ కూడా  తీర్చలేదని  సికింద్రాబాద్ ప్రజలు అంటున్నారు.  ఇటీవల  జయసుధ వైఎస్ఆర్ కాంగ్రెస్ పార్టీ అధినేత   వైఎస్ జగన్మోహన్ రెడ్డి తో  రాజకీయ సంబంధాలు పెట్టుకోవటం తెలిసిన విషయమే. అయితే  కాంగ్రెస్ పార్టీ జయసుధ పై ఒక నిఘా కెమెరా పెట్టినట్లు తెలుస్తోంది.  జయసుధ  కాంగ్రెస్ పార్టీ ఎమ్మెల్యేగా ఉంటూ వైఎస్ఆర్ కాంగ్రెస్ పార్టీ నాయకులతో విందులు, వినోదాలు చేస్తున్న విషయం తెలుసుకున్న కాంగ్రెస్ పార్టీ  జయసుధ కు చెక్ పెట్టేందుకు  మరో మహిళ నాయకురాలిని రంగంలోకి దించింది.   హైదరాబాద్  నగర్  మాజీ మేయర్ బండ కార్తీక రెడ్డి తీరు  ఆమెకు  అస్సలు నచ్చడంలేదు.  బండ  కార్తీక రెడ్డి  మేయర్ గా ఉన్నప్పటి నుంచి  ఆమెతో  రాజకీయంగా ఆధిపత్య పోరు కొనసాగిస్తున్న  జయసుధ , ఎమ్మెల్సీ  ఎన్నికల్లో  కార్తీకకు టిక్కెట్ పై కన్ను పడింది. ఒకవేళ ఎమ్మెల్సీ టిక్కెట్ కు బండ కార్తీక రెడ్డికి దక్కకపోతే జయసుధ సీటుకు ఎసరు పెట్టినట్లు కాంగ్రెస్ నాయకులు అంటున్నారు.  జయసుధ మాత్రం ముందుగానే  ఆమెకు ఎమ్మెల్సీ టిక్కెట్ ఇస్తే నేను రాజీనామా చేస్తానని కాంగ్రెస్ పెద్దలను హెచ్చరించినట్లు కాంగ్రెస్ నాయకులు అంటున్నారు.  కాంగ్రెస్ పార్టీలలో  రాజకీయ ఆధిపత్య పోరు మహిళల మద్య ఎక్కువుగా ఉందని సీనియర్ నాయకులు చెబుతున్నారు.