Posted: 02/02/2013 07:26 PM IST

రాష్ట్రాన్ని  రెండు ముక్కలుగా చేయాలనే ఉద్దేశంలో ఉన్న కాంగ్రెస్ పెద్దలకు చక్కటి ఆలోచన వచ్చింది.  ఇప్పుడు  తెలంగాణ సమస్యకు ఒక పరిష్కారం దొరికిందని  కాంగ్రెస్ నాయకులు ఆనందంగా ఉన్నారు.  తెలంగాణ కావాలని  తెలంగాణ నాయకులు ఎప్పటి నుండో ఉద్యమాలు, చేస్తున్నారు. అయితే  ఇప్పుడు  సమస్య అంత హైదరాబాద్ గురించే.  తెలంగాణ వాదులు హైదరబాదు లేకుండా తెలంగాణ  తీసుకోమని  ఎప్పటి నుండో చెబుతున్నారు. హైదరాబాద్ తెలంగాణ  వాదులకు ఇవ్వద్దుని సీమాంద్ర నాయకులు కోరుతున్నారు. ఇరుప్రాంత నాయకులు మాత్రం గట్టి పట్టుదలతో ముందుకుపోతున్నారు. అయితే ఈ సారి మాత్రం తెలంగాణ వాదులు  ఒక మెట్టు దిగక తప్పని పరిస్థితి   ఏర్పడిందని  కాంగ్రెస్ నాయకులు అంటున్నారు. అదే హైదరాబాద్  సమస్య.  ఈ సమస్యను   సరిపెట్టగలిగితే  తెలంగాణ  సమస్య సులువుగా  పరిష్కారం దొరికినట్లనని  కాంగ్రెస్ నాయకులు అంటున్నారు.   హైదరాబాద్ ని  ప్రత్యేక రాష్ట్రంగా   చేయాలని , లేదా కేంద్ర పాలిత ప్రాంతం చేయాలనే డిమాండ్లు మనకు వినిపిస్తున్నాయి. అయితే ఈ డిమాండ్లను  తెలంగాణ వాదులు ఎప్పటికి ఒప్పకోవటం కుదరని పని.   కానీ  దేశానికి రెండో  రాజధానిగా  చేస్తే?  అప్పుడు తెలంగాణ వాదుల పరిస్థితి ఏమిటి?  హైదరాబాద్ ను దేశనాకి రెండో రాజధాని చేయటం పై కొంత మంది నాయకులు ఆనందంగానే ఉన్నారు. దీనికి సీమాంద్ర నాయకుల నుండి ఎలాంటి అభ్యంతరాలు రావానే నమ్మకం ఉందని కాంగ్రెస్ నాయకులు అంటున్నారు. ఇక మిగిలింది  తెలంగాణ వాదులు.  హైదరాబాద్ లో  ఏ ప్రాంతం వారు ఎంత మంది ఉన్నారో  ఎవరికి తెలియదు.  కాబట్టి   ఇదే నినాదంతో  వివిధ పార్టీలతో  ఓ  సమావేశం జరుగుతుందని  సమాచారం.   హైదరాబాద్  ను తెలంగాణకు రాజధానిగా చేయటంతో  పాటు, దేశానికి  కూడా రాజధానిగా  చేయడం ద్వారా  సమస్యకు పరిష్కారం  దొరుకుతుందని రాజకీయ నాయకులు అంటున్నారు.   కాంగ్రెస్ అధిష్టానం కూడా ఇదే ఆలోచనలో చేస్తుందని  కాంగ్రెస్ సీనియర్ నాయకులు అంటున్నారు.