Posted: 01/23/2013 12:45 PM IST

'ఇతరులనే కాదు తనని తానూ ప్రేమించడం కూడా ఒక కళ... ఈ రెండు పుష్కలంగా తెలిసిన కుర్రాడు, ఇతను. తనని తాను ప్రేమించడమే కాదు ఇతరులకు ఆ ప్రేమని పంచడంలో ఈ కుర్రాడు దిట్ట. అయితే ఈ ప్రేమ మరీ ఎక్కువయ్యి, ఒకేసారి ఇద్దరు అమ్మాయిలకు మనసు ఇచ్చేసాడు ఈ అబ్బాయి... ఈ ప్రేమాయణం ఎటువంటి పరిణామాలకు దారి తీసిందో తెలుసుకోవాలంటే 'ఇద్దరమ్మాయిలతో' ిత్రం చూడాలని అంటున్నారు, దర్శకుడు పూరి జగన్నాథ్... 'ఇడియట్', 'దేశముదురు' తరువాత పూర్తీ స్థాయి ప్రేమకధా చిత్రాన్ని 'ఇద్దరమ్మాయిలతో' అందిస్తున్నాడు, పూరి జగన్నాథ్.

అల్లు అర్జున్ ఈ చిత్రంలో కధానాయకుడు. అమల పాల్, కెథెరిన్ ఈ చిత్రంలో హీరోయిన్లు... చిత్రం లో తన పాత్ర కోసం అమల పాల్ కొన్ని పోరాట సన్నివేశాలలో కూడా కనిపించబోతోంది. ఆద్యంతం యువతని ఆకట్టుకునే విధంగా ఈ చిత్రం ఉండబోతోంది అని చిత్ర యూనిట్ నమ్మకం వ్యక్తం చేస్తోంది. చాలా వరకు ఈ చిత్రం షూటింగ్ విదేశాల్లో జరుపుకుంటోంది. దేవి శ్రీ ప్రసాద్ మరిన్ని ఆకట్టుకునే పాటలని ఈ చిత్రం కోసం అందించడం లో నిమగ్నమయ్యి ఉన్నాడు...తన చిత్ర కదానాయికులని విభిన్న శైలి లో చూబించడంలో పూరి జగన్నాథ్ దిట్ట.

ఇక 'ఇద్దరమ్మాయిలతో' చిత్రం లో అల్లు అర్జున్ పాత్ర ఏ విధంగా ఉండబోతోంది అనేది, ఇప్పుడు ఫిలిం నగర్ లో ఆసక్తిగా మారిన టాపిక్. ఈ చిత్రానికి బండ్ల గణేష్ నిర్మాత.