Posted: 01/18/2013 08:02 PM IST

మన తెలుగు సినిమా పరిశ్రమలో అగ్ర కధానాయికలకు కొదవ లేదు... అలాగే, ఒక సినిమా తో కనుమరుగు అయిపోయిన భామలూ ఉన్నారు. ఇంకొంతమంది హీరోయిన్లు, అటు స్టార్ హీరోల సరసన నటించి, మొదటి సినిమాతోనే స్టార్డం సంపాదిస్తారు అనుకుంటే, ఈ సినిమాల జయాపజయాలతో సంబంధంలేకుండా మళ్ళీ కనిపించకుండా పోయిన వారూ ఉన్నారు. ఈ మూడవ కోవకు చెందిన హీరోయిన్, కరిష్మా కొటాక్... మెగా స్టార్ చిరంజీవి సరసన, 'శంకర్ దాదా జిందాబాద్' చిత్రంలో నటించిన ఈ అమ్మడు, అటు నటన పరంగా, ఇటు అంద చందాల పరంగా, మంచి మార్కులని సంపాదించుకోకలేకపోయింది... చిత్రానికే పెద్ద మినస్ గా నిలిచింది. ఇక ఈ సినిమా తరువాత, విడుదలకి నోచుకోని ఒకటో రెండో చిత్రాలలో నటించింది... కొన్ని సంవత్సరాల తరువాత, ఈ మధ్య కాలం లో టెలివిషన్ చరిత్రలోనే తిరుగులేని షోగా విజయం సాధిస్తున్న 'బిగ్ బాస్' లో మెరిసింది... మరి ఈ షో హీరో సల్మాన్ ఖాన్ అండ దండలో, లేక దర్శకుడికి తాను అనుకున్న పాత్రలో ఈ అమ్మడు సరిగ్గా సరిపోతుంది అని అనిపించడం వల్లనో, సల్మాన్ త్వరలో నటించాబోయే చిత్రం 'రాధే' లో కరిష్మా హీరోయిన్ గా నటించే బంపర్ ఆఫర్ కొట్టేసింది. ఈ చిత్రం, మెగా స్టార్ నటించిన 'స్టాలిన్' చిత్రం ఆధారంగా రూపొందుతోంది. సల్మాన్ ఇంకో తమ్ముడు సోహైల్ ఖాన్ ఈ చిత్రం ద్వారా దర్శకుడిగా తన అదృష్టాన్ని పరీక్షించుకోబోతున్నాడు. త్వరలో, ఈ చిత్రం సెట్స్ పైకి వెళ్లనుంది...ఏమైనా, ఇన్ని నాళ్ళు మంచి అవకాసం కోసం ఎదురుచూస్తున్న కరిష్మాకు, అదృష్టం తన్నుకుంటూ వచ్చింది అనే చెప్పాలి.