Posted: 01/17/2013 04:01 PM IST

తెలంగాణ సమస్య ఇరు ప్రాంత నాయకుల మధ్య చిచ్చు పెడుతుంటే.... అదే సమస్య ఇద్దరు మిత్రుల మధ్య చిచ్చు పెట్టినట్లు తెలుస్తుంది. కేంద్రమంత్రి చిరంజీవి మిత్రుడు, మంత్రి అయిన గంటా శ్రీనివాస్ చిరంజీవికి తంటాలు తెచ్చిపెట్టాడు. తెలంగాణ రాష్ట్రం ఏర్పాటు చేస్తే.... మంత్రి వర్గానికి రాజీనామా చేస్తానని బహిరంగ ప్రకటన చేసిన విషయం తెలిసిందే. అయితే ఈ వ్యాఖ్యల పై చిరంజీవి గంటా పై ఫైర్ అయినట్లు రాజకీయ వర్గాల సమాచారం. ఇక గతంలో చిరంజీవి తెలంగాణ పై అధిష్టానం ఏ నిర్ణయం తీసుకున్నా.... దానికే కట్టుబడి ఉంటానని ప్రకటించాడు. కానీ ఇప్పుడు ఆయన మిత్రుడు అయిన గంటా మరో రకంగా మాట్లాడే సరికి దీన్ని ఆసరాగా చేసుకొని కాంగ్రెస్ ఎంపీ మధుయాష్కీ చిరు పై సెటైర్లు వేయడంతో దిక్కు తోచని చిరు గంటాకి క్లాస్ పీకాడని అంటున్నారు. ఇప్పటికే సమస్య ఝటిలంగా ఉన్న సమయంలో ఇలాంటి వ్యాఖ్యలు చేసి పార్టీని, ప్రభుత్వాన్ని ఇరకాటంలో పెట్టకూడదని చిరంజీవి గంటాతో చెప్పాడని అంటున్నారు. మరి గంటా శ్రీనివాస్ చిరు చెప్పినట్లు వింటాడో లేదో చూడాలి.