Posted: 01/03/2013 12:57 PM IST

మంచు లక్ష్మీ ప్రసన్న కొత్త రాజకీయానికి తెరలేపారు.  లక్ష్మీ ప్రసన్న  కాస్తా లేటుగా  చిత్ర రంగంలోకి అడుగుపెట్టిన తండ్రి డాక్టర్ మోహన్ బాబు తగిన కూతురుగా పేరుతెచ్చుకుంది.  లక్ష్మీ ప్రసన్న నిర్మాత కొన్ని సినిమాలు చేసిన విషయం తెలిసిందే. అలాగే పెద్ద దర్శకులు  రాంగోపాల్ వర్మ, మణిరత్నం  వంటి  దర్శకుల సినిమాల్లో  నటిస్తూ తన రేంజ్ పెంచుకుంది. ఇప్పుడు లక్ష్మీ ప్రసన్న నటిగా చాలా బిజీగా ఉన్నట్లు  ఫిలింనగర్ వర్గాలు అంటున్నాయి.  ఒక టీవీ షోలు కూడా చేస్తూ  మరో వైపు సినిమాల్లో నటి నటిస్తూ, మంచు లక్ష్మీ తన ఇమేజ్ ను భారీగా పెంచుకుంది.  అయితే ఇటీవల ఆమె పై కొన్ని పుకార్లు వినిపిస్తున్నాయి.  లక్ష్మీ త్వరలో  రాజకీయ ప్రవేశం చేసే ఆలోచనలో ఉన్నట్లు  ఫిలింనగర్ వాసులు అంటున్నారు.  అదీ కూడా   వైఎస్ఆర్ కాంగ్రెస్ పార్టీలో  చేరే ఆలోచన  చేస్తున్నట్లు గుసగుసలు వినిపిస్తున్నాయి.  ఇటీవల కాలంలో  మోహన్ బాబు  చంచల్ గూడ జైల్లో  ఉన్న వైఎస్ జగన్ రెడ్డి కలిసి, లక్ష్మీ విషయం చెప్పినట్లు  టాలీవుడ్ లో  టాక్ వినిపిస్తుంది.  2014 లో జరిగే ఎన్నికల్లో  మంచు లక్ష్మీకి టికెట్ తెప్పించుకునే దిశగా పావులు మోహన్ బాబు  కదుపుతున్నారని  ఫిలింనగర్ ప్రజలు అనుకుంటున్నారు. లక్ష్మీ కూడా రాజకీయ ప్రవేశం చేయటానికి  సిద్దగా  ఉన్నట్లు తెలుస్తోంది.  తను సొంత సంపాదించుకున్న మహిళల ఇమేజ్ ను ఓటు బ్యాంకుగా మార్చుకోవాలని  లక్ష్మీ తెగ ప్రయత్నం చేస్తున్నట్లు టాలీవుడ్ సమాచారం.  వచ్చే ఎన్నికల్లో  తండ్రి కూతుళ్లు  ఇద్దరూ రాజకీయ బరిలో దిగే  అవకాశాలు  ఉన్నాయిని రాజకీయ పండితులు అంటున్నారు.

 అయితే  ముందు మోహన్ బాబు చంద్రబాబుతో  చర్చలు జరిపినట్లు తెలుస్తోంది.  తండ్రి కూతుళ్లు  ఇద్దరు  టీడీపీ నుండి పోటీ చేస్తే బాగుంటుందని  మొదట వారు భావించారట. కానీ దీనికి చంద్రబాబు  ఒప్పుకోలేదని, టీడీపీ చాలా మంది నాయకులు ఉన్నారని  బాబు చెప్పినట్లు మోహన్ బాబు  తన సన్నిహితులతో అన్నట్లు తెలుస్తోంది.  అందుకే  వైఎస్ జగన్  పార్టీలో తండ్రి కూతుళ్లు ఇద్దరూ  రాజకీయ ప్రవేశం చేస్తారనే విషయం  ఫిలింనగర్లో  చకర్లు కొడుతుంది.   లక్ష్మీ ఎఫెక్ట్  నటి రోజా పై  పడుతుందని  వైఎస్ఆర్ పార్టీ నాయకులు అంటున్నారు.  లక్ష్మీకి విషయం తెలుసుకున్న  రోజా, పార్టీ కార్యక్రమాల్లో  చురుగ్గా పాల్గొంటుందట.  ఈ విషయం పై వైఎస్ విజయమ్మతో  చర్చలు జరిపినట్లు  ఆ పార్టీ  సీనియర్ నాయకులు చెబుతున్నారు.  అయితే విజయమ్మ మాత్రం  జగన్ ఎలా చెబితే  అలా జరుగుతుందని  రోజాకు చెప్పినట్లు సమాచారం.   పార్టీ లో మాత్రం రోజాకు టికెట్  దొరకటం చాలా కష్టమని వైఎస్ఆర్ కాంగ్రెస్ నాయకులు  చెవులు కోరుక్కుంటున్నారు.