Posted: 11/28/2012 11:49 AM IST

పదవి కోసమో, పవర్ కోసమో, ప్రజల కోసమో గానీ మొత్తం మీద బాబు వస్తున్నా మీకోసం అంటు పాదయాత్ర చేస్తున్నారు. పార్టీ నాయకులకు పాదయాత్ర బాగా కలిసి వచ్చింది. అంటే  పార్టీ నుండి పారిపోయే నాయకులకు మంచి అవకాశంగా కనిపిస్తుంది. అధినేత చంద్రబాబు పాదయాత్ర చేస్తూ రాష్ట్రంలో  తిరుగుతుంటే.. పార్టీలోని సీనియర్ నాయకులు మాత్రం  ‘‘మా కోసం  వెళ్ళుతున్నం’’ అని  పార్టీ నుండి జంప్  అవుతున్నారు.  పార్టీ నుండి జంప్ చేసే నాయకులు కూడా పవర్ కోసమో, లేక పదవి కోసమో, ప్రజల కోసమో, ఖజనా కోసమో తెలియాదు గానీ  టీడీపీని వదిలి జగన్ పార్టీలో వెళ్తున్నారు. మొన్న ఇద్దరు వెళితే.. ఈ రోజు పార్టీ సినియార్ నేత ఉమా రెడ్డి జగన్ పార్టీ లో చేరిపోయాడు. అసలు ములుగుతుంటే.. దాని మీద ఒక తాటిపండు పడినట్లు గా  టీడీపీ పరిస్థితి తయారైంది. గత కొన్ని రోజులుగా పార్టీలో కలకలం రేగింది. పార్టీ నుండి నాయకులు వెళ్ళిపోతున్నారు.   పార్టీ ఉన్న నాయకుల్లో కొత్త దడ మొదలైంది.  లోక్ సభకు  ముందస్తు ఎన్నికల కోసం ప్రభుత్వం సిద్దం చేస్తున్నట్లు ఊహాగానాలు వినిపిస్తున్నాయి.  అందుకు అన్నీ పార్టీ లు గెలుపు గుర్రల కోసం వేట మొదలుపెట్టింది.

ముందుగా వైఎస్ఆర్ కాంగ్రెస్ పార్టీ  గెలుపు గుర్రల కోసం వేట సాగించి ..గుర్రలను ఎక్కువ మొత్తంలో డబ్బు పెట్టి కొనుగోలు చేస్తున్నాట్లు  టీడీపీ నాయకులు అంటున్నారు.  ఇలా సీనియర్ నాయకులు వలసలు వెళ్లిపోవటంతో చంద్రబాబు కు భయం పట్టుకుంది. లోక్ సభ ఎన్నికలు వస్తే తమ పార్టీ పరిస్థితి ఏమిటి అనే ఆలోచనలో  బాబు ఉన్నడని పార్టీ వర్గాలు చెబుతున్నాయి. ఇప్పటి వరకు బాబు ఎంపీ స్థానాలకు పోటీ చేసే నాయకులపై మనసు పెట్టలేదనే వాదన వినిపిస్తుంది. లోక్ సభ స్థానానికి ఎన్నికలు  జరగడం,  ఆ ఫలితాలు  చేదు అణుభవాన్ని  మిగుల్చుతుందేమోనని చంద్రబాబు  భయపడుతున్నాడట.  బాబు బాడీ పాదయాత్రలో  పాల్గొన్న ఆయన మైండ్ మొత్తం పార్టీ నాయకుల పై ఉందని పార్టీలోని సీనియర్ నాయకులు అంటున్నారు.