Posted: 11/22/2012 09:52 PM IST

రాజకీయ పార్టీల మధ్య నిత్యం మాటల యుద్ధం జరుగుతూనే ఉంటుంది. ఆ పార్టీ వారు ఈ పార్టీ మీద, ఈ పార్టీ వారు  ఆ పార్టీ మీద మాటల యుద్ధం చేసుకుంటుంటారు. అలాంటి మాటల యుద్దమే ఇప్పుడు టీడీపీ - వైయస్సార్ కాంగ్రెస్ పార్టీ మధ్య తారా స్థాయికి చేరుకుంది. ప్రస్తుతం రాష్ట్రంలో వలసల కాలం కొనసాగుతుంది. ఈ పరిస్థితులలో ఇరు పార్టీలు మాటల తూటాలను వదులు తున్నారు. వైయస్సార్ కాంగ్రెస్ నేతలు చంద్రబాబు నాయుడు తన మామకే వెన్నుపోటు పొడిచి అధికారం చేజిక్కించుకున్నారు. అలాంటి బాబుకు విశ్వనీతయ ఎక్కడిది అని ప్రశ్నిస్తుంటే... దీనికి కౌంటర్ ఇవ్వడానికి తెలుగు దేశం పార్టీ నేతలు రంగంలోకి దిగారు.

టీడీపీ అధికార ప్రతినిధి అయిన గాలి ముద్దు క్రిష్ణమ నాయుడు వైసీపీ నేతల పై వాక్ బాణాలు సంధించారు. నిన్న కాక మొన్న పెట్టిన వైయస్సార్ కాంగ్రెస్ పార్టీ ఎమ్మెల్యేలను డబ్బులతో కొంటున్నారు. కానీ ఎన్టీఆర్ పార్టీ పెట్టినప్పుడు  పార్టీలోకి వచ్చే ఎమ్మెల్మేలు రాజీనామా చేసి, అది ఆమోదం పొందిన తరువాతనే పార్టీలోకి తీసుకునే వారు. ఇప్పుడు వైయస్సార్ కాంగ్రెస్ పార్టీకి ఆ దమ్ము లేదు అని విమర్శించారు. గాలి విమర్శలు బాగానే ఉన్నా...  వైయస్సార్ నేతలు మాత్రం ఎన్టీఆర్ కు డబ్బు పెట్టి కొనే దమ్ము లేదని తెలుగు దేశం వారే ఒప్పుకున్నారని అనుకుంటున్నారు. అది నిజమే... నిజాయితీగా పాలించే నాయకులకు ఎమ్మెల్యేలను కొనే దమ్ము ఉండదు... అక్రమంగా సంపాదించుకున్న డబ్బుతో ఎంత మందినైనా కొనే దమ్ము ఉంటుందని ప్రజలు అనుకుంటున్నారు.