Posted: 11/14/2012 06:03 PM IST

ప్రస్తుతం టాలీవుడ్ లో ఏ సినిమా విడుదల అయినా అది వివాదాలకు దారి తీస్తుంది. మరి దర్శకులు పబ్లిసిటీ పెంచుకోవడానికి ఇలాంటి సినిమాలు తీస్తున్నారో, లేక కావాలనే వివాదాలు రేపుతున్నారో కానీ మొత్తానికి ఇప్పడు రాష్ట్రంలో రాజకీయాల కన్నా సినిమాల వివాదాలే హైలెట్ అవుతున్నాయి. మరి కొన్ని రోజుల్లో మరో సినిమా కూడా వివాదాలకు ఆజ్యం పోయడానికి రెఢీ అవుతుందా అంటే అవుననే అంటున్నాయి ఫిలిం వర్గాలు. మెగా ఫ్యామిలీ నుండి హీరోగా తెరంగ్రేటం చేస్తూ నటిస్తున్నా అల్లు శిరీష్ చిత్రం గౌరవం. ఈ సినిమా ప్రస్తుతం షూటింగ్ చివరి దశకు వచ్చింది. ఈ సినిమాకి సంబంధించిన పోస్టర్ ని ఇటీవలే విడుదల చేశారు. రొటీన్ కి భిన్నంగా రూపొందించిన ఈ సినిమా పొస్టర్ అందరి ప్రశంసలు అందుకుంటుంది. అదే సమయంలో వివాదాలకు దారి తీసే విధంగా ఉందంటున్నారు.

ఈ పోస్టర్ మధ్యలో బ్లూ కలర్ కవర్ తో కప్పిన విగ్రహం. మరి ఎవరి విగ్రహం అనే సందేహాలు మొదలయ్యాయి. ఇటీవల కాలంలో దివంగత నేత వైయస్ రాజశేఖర్ రెడ్డి విగ్రహాలు ఎక్కడ పడితే అక్కడ వెలిసిన సంగతి తెలిసిందే. ఇప్పుడు ఈ పోస్టర్ లో కూడా ఉన్నది వైయస్సార్ విగ్రహమే అనే అనుమానం వ్యక్తం చేస్తున్నారు ఆయన అభిమానులు. అసలు మెగా ఫ్యామిలీకి వైయస్సార్ అన్నా, జగన్ పార్టీ అన్నా అసలు పడదు. అందుకే ఈ సినిమాలో ఆయనకు సంబంధించిన నేపథ్యం ఈ సినిమాలో ఉంటుందని అనుకుంటున్నారు. ఒకవేళ అలాంటిదే గనుక ఉంటే ఈ సినిమా కూడా వివాదాల పాలవ్వడం ఖాయం అంటున్నారు. మరి వీరనుకుంటున్నట్లు అది ఎవరి విగ్రహమో తేలాలంటే సినిమా విడుదల అయ్యేవరకు ఆగాల్సిందే.