Posted: 11/10/2012 07:45 PM IST

సూపర్ స్టార్ రజినీకాంత్ కి ఫ్యాన్స్ ఎంత మంది ప్యాన్స్ ఉన్నారో మనందరికి తెలిసిన విషయమే. ఆయన సినిమాల్లోని స్టైల్స్, విన్యాసాలు అన్నీ ఇన్ని కావు. కేవలం ఆయన స్టైల్స్ కోసమే సినిమాకు వెళ్ళే జనాలు లేకపోలేదు. అలాంటి రజినీ కాంత్ ఇక పై అలాంటి యాక్షన్ సినిమాలు చేయడం లేదట. ఎందుకంటే వయస్సు పై బడటం, శరీరం సహకరించక పోవడంతో ఆయన ఇక పై తన వయస్సుకు తగ్గ ముఖ్య పాత్రలను మాత్రమే చేస్తాడట. దీనికి బాలీవుడ్ స్టార్ హీరో అమితాబ్ బచ్చన్నే ఉదాహారణగా తీసుకుంటున్నాడు. ఆయన ఈ వయస్సులో గెస్ట్ పాత్రలు చేస్తూ ఉన్నాడు. ఇక పై రజినీ కాంత్ కూడా యాక్షన్ లేని సినిమాలనే చేయాలనుకుంటున్నాడట. ఆయన అనారోగ్యం పాలైనప్పటి నుండి ఆయన సినిమాలు కూడా చేయడం లేదు. ఎంతో భారీ బడ్జెత్ తో తీద్దామనుకున్న రాణా సినిమా భారీ ఓపెనింగ్ తో మొదలు పెట్టినా ఈయన ఆరోగ్యం సహకరించక పోవడంతో ఆ సినిమా అటకెక్కింది. ప్రస్తుతం ఆయన నటిస్తున్న సినిమాలలోని యాక్షన్ సన్నివేశాలను యానిమేషన్ చేస్తున్నారు. ఒకవేళ రజినీకాంత్ యాక్షన్ సీన్స్ చేయకుండా కేవలం గెస్ట్ రోల్స్ లో ఆయన్ని ఫ్యాన్స్, సినీ జనాలు చూడగలుగుతారా  అన్నది సందేహం.