Posted: 09/18/2012 04:23 PM IST

రాజ్యసభ సభ్యుడు సుబ్బిరామిరెడ్డి పుట్టినరోజు వేడుకలు విశాఖలో ఘనంగా జరిగాయి. పోర్టు స్టేడియంలో జరిగిన ఈ కార్యక్రమంలో అలనాటి, నేటి నటీమణులు సందడి చేశారు. గాయని జానకికి విశ్వవిఖ్యాత గాన కోకిల బిరుదుతో సత్కరించారు. జయప్రదకు చీనాన్ సిల్వర్ స్క్రీన్ బిరుదు ఇచ్చారు. సినీ నటులు బ్రహ్మానందం, నగ్మ తదితరులు తమ ప్రతిభతో ఆకట్టుకున్నారు. బ్రహ్మనందం మిమిక్రీ ఈ కార్యక్రమంలో హైలెట్ నిలిచింది.  పాండవ వనవాసం సినిమాలోని ఎస్వీ రంగారావు డైలెగ్ ను బ్రహ్మి అదరగొట్టారు. కార్యక్రమంలో గాయకులు జానకీ, సుశీల పాటలు అలరించాయి.

అలనాటి అందాల తార నగ్మ స్పెప్పులేసి అందరినీ ఆకట్టుకుంది.రాజ్యసభ సభ్యుడు చిరంజీవి సుబ్బిరామిరెడ్డిని పొగడ్తలతో ముంచెత్తారు. కళాబంధు టీఎస్ఆర్ సేవలు అభినందనీయమన్నారు. తనకు మానసిక ప్రశాంతత కావాలంటే టీఎస్ఆర్ ను తలచుకుంటానని చెప్పారు. విశాఖ ప్రజలకు టీఎస్ఆర్ సేవలు అవసరమన్నారు. టీఎస్ఆర్ పుట్టినరోజు వేడుకలకు అలనాటి నేటి, నాటి నటులు కనువిందు చేయడంతో  పండగ వాతావరణం నెలకొంది.