Posted: 09/13/2012 01:30 PM IST

రాష్ట్ర ముఖ్యమంత్రి నల్లారి కిరణ్ కుమార్ రెడ్డి  తన పేరును రాష్ట్ర ప్రజలు గుర్తించుకోవాలని .. అనేక పథకాలు పెట్టి.. ప్రజల వద్దకు వెళ్లిన విషయం తెలిసిందే. అయితే ఇప్పుడు ఇందిరమ్మ బాట పేరుతో చేస్తున్న కిరణ్ యాత్రను ..లోకల్ మీడియా కంటే.. జాతీయ మీడియా అయితే.. తన ఇమేజ్  ఢిల్లీ పెద్దలకు తెలుస్తోందని. తను పడుతున్న కష్టం వారికి తెలియాలనే ఉద్దేశంతో .. కొత్త పథకం వేసినట్లు తెలుస్తోంది.  అసలే పదవీగండం ఎదుర్కొంటున్న ముఖ్యమంత్రి కిరణ్‌కుమార్‌రెడ్డి అధిష్టానం వద్ద మంచి మార్కులు వేయించుకునేందుకు  సరికొత్త ప్రయెగాం చేస్తున్నాడని మీడియా వర్గాలు అంటున్నాయి . అంటే వైఎస్ జగన్ మాదిరే.. లోకల్ మీడియాతో  సంబంధాలు లేకుండా .. జాతీయ మీడియా దగ్గరవ్వటం.  ఎన్నడూలేని విధంగా జాతీయమీడియాతో సంబంధాలు పెట్టుకోవాలనే ఆలోచనలో కిరణ్ ఉన్నట్లు కాంగ్రెస్ నాయకులు చెబుతున్నారు.  తాను చేపట్టిన ఇందిరమ్మబాట కవర్‌ చేసేందుకు నేషనల్‌ మీడియాకు ఆహ్వానాలు పంపినట్లు తెలుస్తోంది.  తన పనితీరుపై అసంతృప్తితో ఉన్న హైకమాండ్‌ మనసు గెలుచుకునేందుకు సీఎం కిరణ్‌ తంటాలు పడుతున్నట్లు కనిపిస్తుందని మీడియా వర్గాలు అంటున్నాయి. అధిష్టానం మెప్పుపొందేందుకు నేషనల్‌ మీడియాను నమ్ముకోవటం చాలా మంచిదని సీఎం ఆలోచన.

అయితే  ఇటీవల చేపట్టిన ఇందిరమ్మబాటు కార్యక్రమం కవరేజి కోసం జాతీయ మీడియాకు అహ్వానాలు పంపారట. ఆ మీడియా ప్రతినిధులకు విమానఖర్చులు, ఫ్రీహోటల్‌ అకామిడేషన్‌, ట్రాన్స్‌పోర్ట్‌ సర్వం తామే భరిస్తామంటూ ఆఫర్‌ కూడా  చేసినట్లు కాంగ్రెస్ నాయకులు అంటున్నారు. అయితే  ఇన్ని ఆఫర్లు ప్రకటించినా ఇందిరమ్మబాటపై ఇంట్రెస్ట్‌ చూపలేదు నేషనల్‌ మీడియా వారు. అయితే ఢీలాపడిపోకుండా ..ఈ విషయాన్ని  సమాచార కమిషనర్‌ చంద్రవదన్‌ కు చెప్పినట్లు తెలుస్తోంది . దీనిపై ఆయన రంగంలోకి  దిగటం జరిగిందని ఢిల్లీ నాయకులు అంటున్నారు. అంతేకాదండోయ్‌ ఢిల్లీలోని ఏపీ భవన్‌లో శాశ్వత ప్రాతిపదికన ఫోటో ఎగ్జిబిషన్‌ ఏర్పాటు చేయనున్నట్టు చంద్రవదన్‌ వెల్లడించినట్లు ఢిల్లీ మీడియా వర్గాలు అంటున్నాయి. రాష్ట్రంలో చేపట్టే కార్యక్రమాల  ఫోటోలను ఎప్పటికప్పుడు అప్‌డేట్ చేస్తారట. అయితే ఈ వ్యవహారం మొత్తం కరెంట్‌ సంక్షోభం, పార్టీని, మంత్రులను కలుపుకుపోవటంలో ఫెయిల్‌ అయినందునే సీఎం ఇలా  అధిష్టానాన్ని ప్రసన్నం చేసుకునేందుకు అష్టకష్టాలు పడున్నారనేది పొలికల్‌ నాయకుల అభిప్రాయం.