Posted: 08/30/2012 06:21 PM IST

మా మనసుల్లో  రాజీవ్ గాంధీ కుటుంబం పట్ల  ఆనాడు ఎలాంటి  భావనలున్నాయో ..నేటికీ అవే పదిలంగా ఉన్నాయాని  బాలీవుడ్ నటుడు అమితాబ్ బచ్చన్  చెబుతున్నారు.   రాజీవ్ గాంధీ  కుటుంబం పట్ల  కోపతాపాలు .. అలకల వంటివి  లేవని అంటున్నారు.  అసలు ఏ విధమైన  వ్యతిరేక భావనలే  లేవని చెబుతున్నాడు.  ఆ కుటుంబ పట్ల నేటీకి  మనసులో  అదే మైత్రీబంధం .. భావన ఉన్నాయాని బిగ్ బీ మీడియా ముందు చెబుతున్నాడుట.  గాంధీ కుటుంబాన్ని  సర్వదా గౌరవిస్తానని అమితాబ్ అంటున్నాడు.  అప్పడప్పుడూ  ఏవైనా  కార్యక్రమాల్లో తారసపడుతుంటాం , చాలా  మామూలుగానే  ఉంటామని  ఆయన అంటున్నారు. అయితే బచ్చన్ లు .. గాంధీల  కుటుంబం  మధ్య సానిహిత్యం ఈ నాటిది కాదట.   అంటే అప్పట్లో 1984లో  రాజీవ్  ప్రొద్బలంతోనే  అమితాబ్  బచ్చన్  అలహాబాద్ లోక్ సభ  నియోజకవర్గం నుంచి పోటీ చేసినట్లు తెలుస్తోంది.  ఈ రెండు కుటుంబాల  మధ్య పరిఢవిల్లిన  మైత్రి  జగమెరిగిన సత్యం. 

అయితే  భోఫోర్స్  శతఘ్నుల కుంభకోణంతో రెండు కుటుంబాల మధ్య దూరం  పెరిగిందని  బచ్చన్ కుటుంబ సభ్యులు అంటున్నారు.  ఆ సమయంలో  బచ్చన్ కుటుంబ సభ్యులు  చాలా సమస్యలను ఎదుర్కొన్నట్లు  తెలుస్తోంది.  అప్పుడు అవి అత్యంత భాదాకరమైనవని  అమితాబ్ చెబుతున్నారు. అయితే ఇప్పుడవన్నీ  మర్చిపోయాం. మాకు గాంధీ కుటుంబం పట్ల  ఏ విధమైన  చేడు భావనలూ లేవని అమితాబ్ చెబుతున్నాడు. అయితే మీడియా వారు మాత్రం.. తన భార్యను సమాజ్ వాది పార్టీలోకి ఎందుకు వెళ్లిందో  ఆ విషయం చెబితే చాలా బాగుంటుందని  మీడియా  మనసులో అనుకున్నట్లు తెలుస్తోంది.  జయ బచ్చన్  సమాజ్ వాది పార్టీ లో ఎంపిగా ఉన్న విషయం తెలిసిందే. గాంధీ కుటుంబంతో  సంబంధాలు ఉంటే .. జయ బచ్చన్ .. గాంధీ పార్టీ లోకి చేరవచ్చు కదా అని మీడియా గుసగుసలాడుకుంటున్నారు.