Posted: 08/10/2012 08:10 PM IST

బాలీవుడ్ అగ్రనటుడు షారుఖ్ పిల్లల మనుసు చెడగొడుతున్నాడా? అవుననే అంటున్నాడు అమిత్ అనే యువకుడు. అంతేకాకుండా అతనిపై బాలల హక్కుల కమిషన్ లో ఫిర్యాదు కూడా చేసాడు. అసలు విషయమేంటంటే.. 20-20 క్రికెట్ లో భాగంగా వాంఖడే స్టేడియంలో అతను బహిరంగంగా సిగరెట్ తాగడం .. మ్యాచ్ అనంతరం అక్కడి సెక్యూరిటీ గార్డ్ ల మీద దురుసుగా ప్రవర్తించి అప్పట్లో వివాదాస్పదం రేపింది. అయితే బహిరంగంగా సిగరెట్ తాగిన కేసులో షారుఖ్ కు స్థానిక కోర్టు జరిమానా కూడా విధించింది. కానీ, షారుఖ్ అక్కడి భద్రతా సిబ్బంది పై దుర్భాషలాడటం పై అమిత్ అనే వ్యక్తికి నచ్చలేదు. షారుఖ్ ను దేశ ప్రజలు ముఖ్యంగా పిల్లలు అనుకరిస్తుంటారని .. ఈ చర్యల ద్వారా షారుఖ్ చిన్నారుల మనసులను చెడగొడగుతున్నాడని ఆరోపించారు. ఈ హీరో ప్రవర్తన అభ్యంతకరంగా ఉందంటూ ఏడు అంశాలను అమిత్ తన ఫిర్యాదులో పొందుపరిచారు. ఫిర్యాదు ను పరిగణంలోకి తీసుకున్న బాలల హక్కుల కమిషన్ తదుపరి విచారణ ను ఈ నెల 16కు వాయిదా వేసినట్లు తెలుస్తోంది.