Posted: 08/02/2012 02:47 PM IST

జైల్లో ఉన్న జగన్ కు పెళ్లి కళ వచ్చిందంటే.. జగన్ కు పెళ్లి కుదిరిందని కాదు.  జైల్లో ఉన్న జగన్ కు కూడా .. ఒక పెళ్లి ఆహ్వానం అందింది.   జైల్లో ఉన్న జగన్ తో పాటు .. మరి కొంత మంది రాజకీయ నాయకులకు  ఈ పెళ్లి కార్డు అందినట్లు సమాచారం.  జైల్లో ఉన్న  జగన్ పెళ్లి కార్డు  చూసి ఆనంద పడాలో  లేక బాధపడలో తెలియాక  అమాయకంగా జైలు గోడల వైపు చూస్తూ ఉండిపోయారని  జైలు అందికారులు  అంటున్నారు.   అసలు జైల్లో  ఉన్న జగన్  పెళ్లి కార్డు ఇచ్చే  సన్నిహితం ఎవరికి ఉంటుంది చెప్పాండి .  ఆయన కుటుంబ సభ్యులు మాత్రం కాదండోయ్ .  ఈ వ్యక్తి  ఎప్పుడు  ప్రభుత్వం పై పోరాటం చేసే వ్యక్తి . బీసీలకు అన్యాయం జరిగిపోతోందంటూ అయిన దానికీ కానిదానికి కస్సుమనే బీసీ సంక్షేమ సమితి అధ్యక్షుడు కృష్ణయ్య మొహమాటంతోనో, అభిమానంతోనో, మరే ఫీలింగుతోనో కామెడీ చేస్తున్నాడనిపిస్తోంది.

మరీ చోద్యం కాకుంటే చంచల్ గూడ జైలుకు వెళ్లి పెళ్లి పత్రికలు ఇచ్చిరావడం ఏంటి విచిత్రం కాకపోతే, ఆ ఆహ్వాన పత్రిక అందుకున్న వారు పెళ్లికి వచ్చి వధూవరులను ఆశీర్వదిస్తారా? ఏమైనా…కృష్ణయ్య జైలుకు వెళ్లి తన కూతురు పెళ్లికి ఆహ్వానించిన వారిలోఉన్నది వైఎస్ జగన్ మోహన్ రెడ్డి, మంత్రి మోపిదేవి, మరో బీసీ ఉద్ధారకుడు సూర్య పత్రిక అధినేత నూకరపు సూర్యప్రకాశ్ రావులు. ఈ శాల్తీల్లో ఏ ఒక్కరూ ఇప్పుడప్పుడే బయటకు వచ్చే అవకాశాలు కనపడటం లేదు. ఈ మాత్రం తెలీకుండా కృష్ణయ్య పెళ్లి పత్రికలు ఇచ్చి వచ్చిఉంటాడు అని అనుకోలేం కానీ, కృష్ణయ్య ఫీలింగ్ ఏంటనేది మాత్రం అంతుబట్టలేనిదే! ఇప్పటికే వైఎస్ విజయమ్మను వివాహానికి ఆహ్వానించిన కృష్ణయ్య ప్రత్యేకంగా జగన్ ను కలవడం మొహమాటమేనేమో! ఇక నూకారపు, మోపిదేవిలకు ఎలాగూ బీసీ ట్యాగ్ ఉంది కాబట్టి సామాజిక న్యాయం కింద వారిని ఆహ్వానించిఉండవచ్చు. మొత్తానికి జైల్లోఉన్న వారికి పెళ్లి పత్రికలు ఇచ్చిరావడం అనే విషయం ఊహించుకోవాడానికి కొంచెం తమాషా విషయమే!