Posted: 07/23/2012 06:24 PM IST

ఉక్కు కండరాలు  కలిగిన యువకులే  ఈ దేశానికి కావాలి.. అని స్వామి వివేకానంద చెప్పారు. వ్యాపారం క్రీడలు ఇలా రంగం ఏదైనా సరే యువత దూసుకెళ్లోంది.  వేగంగా  మారిపోతున్న  పోకడల్ని  అదుకొనేది వాళ్లే. కొత్త  బాటలో  దూసుకెళ్లేది , అసాధ్యాలను సుసాద్యం చేసేది వాళ్లే. అయితే బాలీవుడ్ లో  ఈ మంత్రం పని  చేయడం లేదు.  అక్కడ అగ్రశ్రేణి  కతానాయికులుగా  కొనసాగుతున్నది  నడివయసుకొచ్చినవాళ్లే.  ఖాన్ త్రయం అమీర్, షారుఖ్, సల్మాన్,  వీరంతా  ఇంచుమించు  ఒకే వయసువారే.  బాలీవుడ్ లో  వీరికే డిమాండ్  . మూడు పదులు  ఇమ్రాన్  ఖాన్ సినిమా అంటే  చూద్దాంలే .. అని వాయిదా వేసే హిందీ సినీ ప్రియులు  అమితాబచ్చన్  అతిథి పాత్రలో  కనిపిస్తున్నాడంటే ఎలాంటి సినిమా అయిన చూడ్డానికి ఉత్సాహం చూపిస్తున్నారు.  అంతెందుకూ ..? వందకోట్ల  మైలు రాయిని  అందుకొన్న  కథానాయకులంతా .. యాభైకి  చేరువలో  ఉన్నవాళ్లే.  యువతరంగాలు ఇమ్రాన్  ఖాన్,  షాహిద్ కపూర్  , రణ్ బీర్ కపూర్ లకు  మాత్రం  ఆ మ్యాజిక్  సాధ్యం  కావడం లేదు.

 ఓ సినిమా  మొదలు పెట్టే ముందు  యువతరాన్ని   మెప్పిస్తే చాలు నెగ్గుకు రావచ్చు అనే లెక్కలేసుకొంటారు సినీ నిర్మాతలు.  ఆ మాట అక్షర సత్యం. నచ్చిన   సినిమాని  ఒకటికి రెండుసార్లు  చూసేది  వాళ్లే మరి.  ఆ వర్గం ప్రేక్షకుల అభిరుచులు మేళ విస్తూ  కథలు వంితే   అందులో  నవతరం  కథానాయకులే కావాలి. ఇమ్రాన్ ఖాన్ (29) , రణబీర్ కూపర్ (29)  షాహిద్ కపూర్  (3)  ఇమ్రాన్  హష్మి (33)  వీరంతా  యువతరాన్ని  లక్ష్యంగా  చేసుకొని కథలు ఎంచుకుంటుంటారు.  వాటిలో కొన్ని బాక్సా ఫీసు దగ్గర విజయం  సాధించినా  రూ. వంద కోట్ల వసూళ్ల జాబితాలో చేరలేకపోయాయి.  

అమీర్ ఖాన్ (47)  నటించిన గజిని , త్రీ  ఇడియట్స్  చిత్రాలు  రూ. వంద కోట్ల క్లబ్ లో చేరాయి.  షారుఖ్ ఖాన్ (46)  రా. వన్  తో ఆ ఘనత సాధించారు.  సల్మాన్  ఖాన్  (46) ఖాతాలో  రెండు సినిమాలున్నాయి.  బాడీగార్డ్ , దబాంగ్  సినిమాలు రూ. వంద కోట్లు వసూళ్లు  సాధించాయి.  అజయ్  దేవగణ్ (43) అక్షయ్ కుమార్ (44)  కూడా ఈ జాబితాలో చోటు సంపాదించుకున్నారు.  అంతెందుకూ  ..?  వయసులో  అర్థ  సెంచరీ  చేసిన  సంజయ్ దత్  (52)  సినిమా అగ్ని  పథ్  రూ. వంద కోట్ల  మార్కు దాటింది.  జిందగీ న మిలెగీ దోబారా , అగ్ని పథ్ సినిమాలతో  హ్రుతిక్ రోషన్ (38) వంద కోట్ల కథానాయకుడు  అనిపించుకొన్నారు.  వసూళ్లలోనే కాదు, పారితోషికం  అందుకోవడంలోనూ వీరిదే  హహ. ఒక దశలో  విజయాల్లేక  ఇబ్బందులు పడిన అజయ్ దేవగన్ , అక్షయ్  కుమార్ లు  నలభై దాటిన తరువాత తమ ప్రతాపం  చూపిస్తున్నారు.   బాలీవుడ్ లో మాస్ , యాక్షన్  సినిమాలతే  రాజ్యం. ఈ మద్య కాలంలో  ఆ తరహా  కథలే  బాక్సాఫీసుని గెలిచాయి.  షారుఖ్ ఖాన్, సల్మాన్ ఖాన్  లాంటి అగ్ర కథానాయకులు  సినిమాలు విదేశాల్లో  కూడా చూస్తారు.  అక్కడ వారికి అభిమానులున్నారు.  యువ కథానాయకులు ఆ స్థాయికి  చేరుకోవడానికి ఇంకొంచెం  సమయం పడుతుంది.  వారెక్కువా  ప్రేమకథలకే పరిమితం  అవడం మరో కారణం  అని బాలీవుడ్ వర్గాలు అభిప్రాయపడుతున్నాయి.