Posted: 07/23/2012 04:38 PM IST

తెలుగు వెండితెరపై  రంగం సినిమా  ద్వారా పరిచయం అయిన  జీవా ఇప్పుడు మరొ కొత్త ప్రయోగం చేయ్యబోతున్నాడట?  జీవా కథానాయకుడిగా తమిళంలో రూపొందుతోన్న చిత్రం ‘ముగమూడి’. మిస్‌కిన్ దర్శకత్వంలో యూటీవీ మోషన్ సంస్థ నిర్మిస్తున్న ఈ చిత్రాన్ని నిర్మాత ఆర్బీచౌదరి మెగా సూపర్‌గుడ్ ఫిలింస్ ద్వారా తెలుగు ప్రేక్షకులకు అందించనున్నారు. ఎన్వీ ప్రసాద్, పారాస్‌జైన్ నిర్మాతలు. ఈ సినిమా పూజా కార్యక్రమాలు ఆదివారం హైదరాబాద్‌లోని సంస్థ కార్యాలయంలో జరిగాయి. ఈ సందర్భంగా నిర్మాతల్లో ఒకరైన పారాస్‌జైన్ మాట్లాడుతూ- ‘‘జీవా సూపర్‌హీరోగా అత్యద్భుతమైన పాత్రను ఇందులో పోషిస్తున్నారు. ఇందులో జీవా చేసే విన్యాసాలు అన్ని వర్గాలవారినీ ఆకట్టుకుంటాయి. కోట్లాది రూపాయల వ్యయంతో తెరకెక్కుతోన్న చిత్రమిది. త్వరలోనే పేరును నిశ్చయిస్తాం. ఆగస్ట్ తొలివారంలో పాటలను విడుదల చేస్తాం. అదే నెల 31న తెలుగు, తమిళ, హిందీ భాషల్లో ప్రపంచవ్యాప్తంగా ఈ సినిమా విడుదల అవుతుంది’’అని తెలిపారు. పూజా హెగ్డే కథానాయికగా నటిస్తున్నారు.