Posted: 07/11/2012 05:11 PM IST

దర్శకేంద్రుడు రాఘవేంద్రరావు దర్శకత్వంలో ‘‘ఝమ్మంది నాథం’’ సినిమా ద్వారా టాలీవుడ్ లోకి అడుగుపెట్టింది అందాల తెల్ల పిల్ల తాప్పీ. ఆ సినిమాలో మోహన్ బాబు చిన్న కుమారుడు మంచు మనోజ్ సరసన నటించింది. ఆ సినిమాలో రాఘవేంద్రరావు తాప్సీ అందాలను తెర పై నిండు పున్నమి రోజు వెన్నెల వెలుగు ఎలా ఉంటుందో అలా ఆరబోశాడు. ఆ సినిమాతో తాప్సీకి మంచి గుర్తింపు కూడా వచ్చింది. ఆ సినిమా షూటింగ్ టైంలో మోహన్ బాబు కుటుంబాని తాప్సీ చాలా దగ్గరయింది. ఆ బంధం ఆనాటి నుండి ఈనాటి వరకు అలానే కొనసాగిస్తుంది. దీన్ని చూసిన టాలీవుడ్ జనాలు తాప్సీకి మనోజ్ కి మధ్య సం‘బంధం’ ఉందని చెవులు కొరుక్కున్నారు నిన్న మొన్నటి వరకు.

కానీ ఈ మధ్యన జరిగిన ఓ చిన్న గొడవ తారా స్థాయికి చేరడం, అందులో మంచు మనోజ్ హస్తం ఉండటం, అదీ తాప్సీ కోసమే జరిగిందని ప్రచారం జరిగిన దరిమిలా తాప్సీ దీని పై వివరణ ఇచ్చింది.  తనవల్లనే ప్రముఖ నటుడు మంచు మనోజ్, తమిళ నటుడు మహత్ గొడవ పడ్డారన్న వార్తలను సినీ నటి తాప్సీ ఖండించింది. తనకు ఈ గొడవకు సంబంధం లేదని స్పష్టం చేసింది. చెన్నైలోని ఓ నైట్‌పార్టీలో తమిళ నటుడు మహత్‌పై ప్రముఖ నటుడు మంచు మనోజ్ దాడి చేసినట్లు వార్తలు వచ్చిన సంగతి తెలిసిందే. ఈ ఘటనపై తాప్సీ స్పందించింది.మనోజ్ తనకు సోదరుడిలాంటివాడని, మహత్‌తో తనకు ఎలాంటి సంబంధం లేదని ఆమె తేల్చిచెప్పింది. కొంతమంది స్వార్థ ప్రయోజనాల కోసం తన పేరును దుర్వినియోగం చేశారని ఆవేదన వ్యక్తం చేసింది.

లక్ష్మి, విష్ణు, మనోజ్ నాకు ఇండస్ట్రీకి వచ్చినప్పటి నుండి తెలుసు. నేను ఈ రోజు ఈ స్థాయిలో ఉండడానికి వారే కారణం. మోహన్‌బాబు అంకుల్ నన్ను కూతురిలా చూసుకుంటే, లక్ష్మి, విష్ణు, మనోజ్ చెల్లెలిగా ఆదరిస్తారు. అటువంటిది మనోజ్‌కి, నాకు లింకులు పెట్టడం చాలా దారుణం అంటూ తాప్సీ ట్వీట్ చేసింది. ఇన్ని రోజులు మనోజ్ తో రాసుకు పూసుకు తిరిగిన తాప్సీ ఇప్పుడు ఇలా మట్లాడే సరికి టాలీవుడ్ జనాలు తాప్సీ పై గంపెడు ఆశలు పెట్టుకొని ఆమె కోసం గొడవ పడిన మనోజ్ పరిస్థితి ఏంటా ? అని అనుకుంటున్నారు.