Posted: 07/02/2012 04:06 PM IST

ఏదైన ప్రమాదం జరిగినప్పుడు  మాట్లాడే నాయకులు మనం చూసి ఉంటాం. కానీ  అదే నాయకులు.. ప్రమాదం పై స్పందించి .. స్వయంగా రంగంలోకి దిగిన వారు చాలా తక్కువుగా ఉంటారు.  ఇక్కడ  ఒక యువ ఎమ్మెల్యే.. మాటలు కాదు.. చేతులతో చేసి చూపించాడు.   మామూలుగా  ప్రజా ప్రతినిథులంటే  చుట్టూ గన్ మెన్లు, బోల్డంత హడావిడి. ఏ చిన్న  అనుకోని సంఘటన  ఎదురైనా  ఎమ్మెల్యేలు బెంబేలెత్తిపోతారు, వారిని రక్షించేందుకు  అనుచరులు, గన్ మెన్లు నానా హడావిడి  చేయాల్సి వస్తుంది.  కానీ , ఈ యువ ఎమ్మెల్యే  అందరిలా  కాదు, తండ్రి  వారసత్వంగా  వచ్చిన  డేరింగ్  డాషింగ్  నైజం, అతనిని  అందరిలోకి  ప్రత్యేకమైన  వ్యక్తిని చేసింది.

ఆయనెవరో కాదు, ఎమ్మెల్యే విష్ణు. దివంగత  నేత పి.జనార్థన్ రెడ్డి  తనయుడైన  విష్ణు. నిన్న జూబ్లీహాల్ లో  జరిగిన  అగ్ని ప్రమాదంలో  తన ధైర్య సాహసాల్ని  ప్రదర్శించారు.   అందరిలా పరుగులు తీయ్యకుండా,  సిబ్బంది  చూసుకుంటార్లే అనుకోకుండా, తానే రంగంలోకి  దిగి,  మంటల్ని ఆర్పటం మొదలుపెట్టాడు.  అక్కుడున్న వారు ఒక్కసారిగా షాక్ తిన్నారు.  ఒక యువ ఎమ్మెల్యే అయ్యి ఉండి  మంటల్ని ఆర్పి  భళా అన్పించుకున్నారు విష్టువర్థన్ రెడ్డి.  వివాదాల  సంగతెలా వున్నా,  బడుగు బలహీన వర్గాలకు  అండగా వుంటారన్న పేరుంది పి. జానార్థన్ రెడ్డికి. ఆయన ఆశయాల్ని  కొనసాగిస్తోన్న విష్టు, ధైర్యం  సాహసాల విషయంలోనూ తండ్రికి తీసిపోడన్పించుకున్నారు.  నిన్నటి జూబ్లీ హాల్ అగ్ని  ప్రమాధ ఘటన,  ఆ సమయంలో  విష్ణు తెగువ చూసినోళ్లంతా  డేరింగ్ అండ్ డాషింగ్  ఎమ్మెల్యే అని  విష్ణువర్థన్ రెడ్డికి కితాబులిచ్చేస్తున్నారు.