Posted: 06/27/2012 02:49 PM IST

రాష్ట్ర కాంగ్రెస్  నేతలు ఢిల్లీ స్థాయింలో  చక్రం తిప్పుతుండగా.. చిరంజీవి మాత్రం ఇక్కడ  తన పని తాను చేసుకోతున్నారు.  బైపోల్ లో రెండు స్థానాలు  గెలిచిన కాంగ్రెస్ పార్టీ.. ఆ రెండూ  గెలుపునకు  చిరంజీవి కారణమని  ఆయన వర్గీయులు  భావిస్తున్నారట.  కాంగ్రెస్ నేతలు కలిసిరాకపోవడం  వల్లే  ఎన్నికల్లో  పార్టీ  ఓటమిపాలైందని   చిరంజీవి  కూడా ఓ పెన్ గా చెప్పటం జరిగింది.  

వచ్చె అసెంబ్లీ ఎన్నికల్లో చిరంజీవి సీఎం అభ్యర్థని క్రిష్టాజిల్లా  కాంగ్రెస్ ఎమ్మెల్యే జోగి రమేష్  సంచలన  వ్యాఖ్యలు చేశారు. 2014లో చిరంజీవి సీఎం  అవుతారని..  ఆయన కోరికను కాంగ్రెస్  హైకమాండ్ అంగీకరిస్తుందన్నారు. తాజా రాజకీయ పరిణామాలను చూస్తుంటే రాష్ట్ర కాంగ్రెసులో పెను మార్పులు సంభవించే అవకాశాలున్నట్లు తెలుస్తోంది. ఈ సమయంలో కృష్ణా జిల్లాకు చెందిన కాంగ్రెసు శాసనసభ్యుడు జోగి రమేష్ సంచలన వ్యాఖ్యలు చేశారు. 2014లో చిరంజీవి నాయకత్వంలో కాంగ్రెసు పార్టీ గెలుస్తుందని, చిరంజీవి ముఖ్యమంత్రి అవుతారని ఆయన అన్నారు. కలిసికట్టుగా పనిచేసి చిరంజీవిని ముఖ్యమంత్రిని చేద్దామని కూడా ఆయన అన్నారు.

అదే సమయంలో రాష్ట్ర పార్టీని ప్రక్షాళన చేసేందుకు కాంగ్రెసు అధిష్టానం కసరత్తు చేస్తున్న సూచనలు కనిపిస్తున్నాయి. రాష్ట్ర నాయకత్వాన్ని మారుస్తారా, లేదా అనేది స్పష్టంగా తెలియడం లేదు. ముఖ్యమంత్రిగా కిరణ్ కుమార్ రెడ్డిని కొనసాగిస్తూ పిసిసి అధ్యక్షుడిగా బొత్స సత్యనారాయణ స్థానంలో చిరంజీవిని నియమిస్తారా అనేది తెలియడం లేదు. వీరిద్దరిపైన చిరంజీవిని పెట్టే అవకాశాలు కూడా లేకపోలేదని అంటున్నారు. పలువురు నాయకులు అధిష్టానం పెద్దలను కలిశారు.