Posted: 06/13/2012 07:58 PM IST

అందం అనేది ఆమె పుట్టిన తరువాతే పుట్టి ఉంటుంది. ఆమె అందానికే అందం. ఆమె ఒకప్పటి  మాజీ మిస్ వరల్డ్. ఆమె ఒక బిడ్డకు తల్లి అయినప్పటికి .. ఆమె అందం కుర్రకారును .. కెవ్వు కేకలు పెట్టిస్తుంది.  ఆమె ఎవరో కాదు  ప్రముఖ సినీ నటీ,  మాజీ మిస్ వరల్డ్  ఐశ్వర్యారాయ్ బచ్చన్.  ఆమెను మళ్లీ హీరోయిన్ గా చూపించాలని  దర్శక నిర్మాతలు .. చాలా ఆఫర్లు ఇస్తున్నారట. కానీ ఐశ్వర్య మాత్రం .. తన పాపతో .. హాయిగా, ఆనందంగా   కాపురం చేస్తుందని  బాలీవుడ్ వర్గాలు అంటున్నాయి.  ఆమె కోసం ప్రత్యేకమైన కథలు రాసి.. ఐశ్వర్య కోసం దర్శకులు.. ఎదురుచూస్తున్నారు.

ఐశ్వర్యా రాయ్  తల్లి అయిన తరువాత నుండి ఎలాంటి ప్రకటనలు గానీ,  ఏ సినిమాలు గానీ ఓప్పుకోలేదట. కానీ ఈసారి మాత్రం ప్రముఖ నగల వ్యాపార సంస్థ కోసం .. కెమెరా ముందుకు వస్తున్నట్లు తెలుస్తుంది.   తమ సంస్థకు  ప్రచారకర్తగా  వ్యవహరిస్తారని  ఆభరణాల  గొలుసుకట్టు  దుకాణాల  సంస్థ  కల్యాణ్  జువెలర్స్  ప్రకటించింది.  ఇప్పటి వరకు  అంతర్జాతీయ  బ్రాండ్లకు  మాత్రమే  ప్రచారకర్తగా  వ్యవహరించిన  ఐశ్వర్య  తొలిసారిగా  కల్యాణ్  జువెలరీ రిటైల్ బ్రాండ్ కు  ప్రచారం  చేయనున్నారని  కల్యాణ్  జువెలర్స్  మేనేజింగ్  డైరెక్టర్ టి.ఎస్. కల్యాణ రామన్  మీడియాకు చెప్పటంత జరిగింది.

 ఐశ్వర్య ప్రకటన వలన అంతర్జాతీయంగా   ఆమెకు ఉన్న  ప్రాచుర్యం  తమ బ్రాండ్  ఉన్నతికి దోహదపడుతుందనే విశ్వాసాన్ని  ఆయన  వ్యక్తం చేసినట్లు  మీడియా వర్గాలు అంటున్నాయి.  బిడ్డకు  జన్మనిచ్చిన  అనంతరం  తొలిసారిగా  తమ  ప్రచార  చిత్రాలోనే  ఆమె పాల్లొననున్నారని  అంతర్జాతీయంగా  ప్రఖ్యాతిగాంచిన  డిజైనర్లు   తయారు  చేసిన  రూ. 1.5 కోట్ల  విలువైన   సరికొత్త  డిజైన్ల నగలతో  ప్రచార చిత్రం చిత్రీకరణ  జరుపుతామని  కల్యాణ్ రామన్  వివరించారు.