Posted: 06/06/2012 01:50 PM IST

ఉప ఎన్నికల ఉరవడిలో.. డబ్బు. నీటి ప్రవాహం లో పారుతుందట. ఉప ఎన్నికలు జరుగుతున్న నియోజక వర్గాలు మొత్తం డబ్బుతో నిండిపోయిందట. ఎటు చూసి డబ్బు కనబడుతుందని ..ఎన్నికల కమిషన్ అంటుంది. ధనలక్షీ దారి తప్పి.. అవినీతి పరుల చేతిలో పడటంతో.. పాపం ధనలక్ష్మీకి కష్టాలు వచ్చాయాని  ప్రజలు అంటున్నారు. డబ్బు.. ఎక్కడ చూసినా డబ్బు. మామిడి పండ్ల లారీలు, లారీ ట్యూబులు, మీడియా వ్యాన్లు.. ఇలా ఒక్కటేమిటి? ఎన్ని దారులు ఉంటే అన్ని దారుల్లోనూ ధనలక్ష్మి తరలివెళుతోందట. నేతల చేతుల్లో చేరుతోందని ప్రజలు అంటున్నారు.  వీటిలో పట్టుబడేది కొంతమాత్రమేనట. ఇంక  దొరకకుండా తప్పించుకున్న ఘటనలు ఎన్నో?! ఎన్ని చెక్‌పోస్టులు పెట్టి నా, ఖాకీల డేగకళ్లు వేసి చూసినా డబ్బులు ‘కట్టల’పాముల మాదిరిగా ఉప ఎన్నికల నియోజకవర్గాలకు శరవేగంగా వెళుతున్నాయాట .తాజా ఉప ఎన్నికలలో ఇప్పటి వరకు దాదాపు 40 కోట్ల రూపాయలు పట్టుబడినట్లు ఎన్నికల సంఘం అధికారిక సమాచారం. మరి నిఘా కళ్లను తప్పించుకుని ఎన్ని కోట్లు నియోజకవర్గాలకు తరలివెళు తున్నాయో చెప్పనవసరం లేదు.రాష్ట్రంలో జరు గుతున్న ఉప ఎన్నికలపై ఎన్నికల సంఘం నిరంతర నిఘా పెట్టడం జరిగింది.

పోలింగ్‌ దగ్గర పడుతున్నకొద్దీ తనిఖీలు ముమ్మరం చేయడంతో పోటీలో ఉన్న రాజకీయ పార్టీల నుంచి పెద్ద ఎత్తున నోట్ల కట్టలు గుట్టలు.. గుట్టలుగా బయటికి వస్తున్నాయాట.  గతంలో జరిగిన సాధారణ ఎన్నిక లలో కూడా ఈ స్థాయిలో కరెన్సీ ఇంత పెద్ద మొత్తంలో పట్టుబడలేదని ఎన్నికల సంఘం అధికారులు చెబు తున్నారు. రాష్ట్రంలో జరుగుతున్న 18 అసెంబ్లీ నియోజక వర్గాలతోపాటు నెల్లూరు పార్లమెంటు స్థానానికి జరుగు తున్న ఈ ఉప ఎన్నికలలో ఇప్పటివరకు భారీ మొత్తంలో నగదు, బంగారం పట్టుబడినట్లు ఎన్నికల సంఘం చెబుతుంది. 31 కోట్ల రూపాయల నగదుతోపాటు దాదాపు 9 కోట్ల రూపాయల విలువ చేసే బంగారం పట్టుబడినట్లు రాష్ట్ర ఎన్నికల ప్రధానాధికారి చెప్పాటం విశేషం.  ఇంక ఎన్నికల నాటికి .. ఈ సంఖ్య ఎంత పెరుగుతుందో  చెప్పాలేమని  అధికారులు చెబుతున్నారు.