Posted: 06/04/2012 03:09 PM IST

ఉప ఎన్నికల ప్రచారంలో దూసుకుపోతున్న వైఎస్సార్ కాంగ్రెస్ గౌరవాధ్యక్షురాలు విజయమ్మకు ఒక పెద్ద సమస్య తలనొప్పిగా మారిందని పార్టీ నాయకులు అంటున్నారు.  భర్త తరువాత భార్య ఉండాలి కదా. విజయమ్మ అంటే వైఎస్ఆర్ కాంగ్రెస్ ఎమ్మెల్యే, అందులోను జగన్ కు స్వయం తల్లి కాబట్టి .. పార్టీ బాధ్యతలు చేపట్టిన ఎవరు పెద్దగా ఏమీ అనుకోరు. కానీ ఇప్పుడు జరుగుతున్న ఉప ఎన్నికల ప్రచారంలో..విజయమ్మకంటే .. షర్మిల, అల్లుడు బ్రదర్ అనిల్ హవా ఎక్కువగా కనిపిస్తుందట. అయితే ప్రజలు మాత్రం ఈ వింత ప్రచారం చూసి నవ్వుకుంటున్నారని మీడియా వర్గాలు అంటున్నాయి.

 జగన్ జైలు వెళ్లిన విషయం తెలిసిందే. అయితే  జగన్ స్థానంలో వైఎస్ భారతి వచ్చి ప్రచారం చేస్తే బాగుంటుందని వైఎస్ఆర్ కార్యకర్తలు అంటున్నారు.  అసలు షర్మిలా కంటే.. భారతి పద్దతిగా , నెమ్మదిగా , మాట్లాతుంది. జగన్ అరెస్టైనప్పుడు కూడా మీడియా ముందు భారతి చాలా మంచిగా మాట్లాడిందని సామాన్య ప్రజలు అంటున్నారు.  భారతిని ఇంటికే పరిమితం చేయటం వెనక అనేక అనుమానులు వస్తున్నాయని వైఎస్ఆర్ కార్యకర్తలు గుసగుసలాడుకుంటున్నారు. అత్త స్థానంలో ఉన్న విజయమ్మ కేవలం తన కూతురి మీద ప్రేమతో..  షర్మిలాను  ఉప ఎన్నికల ప్రచారనికి , భారతిని ఇంటికి పరిమితం చేసే ఆలోచనతో  విజయమ్మ ఇలా చేసినట్లు వైఎస్ఆర్ పార్టీ  ముఖ్య నాయకులు అనుకుంటున్నారు. కానీ, ఆమె పక్కన కోడలు భారతి కనిపించకపోవడం, కూతురు షర్మిల, వెనుక అల్లుడు అనిల్‌ మాత్రమే కనిపిస్తుండటం చర్చనీయాంశమయింది. ఇప్పుడు జగన్‌ అరెస్టు తర్వాత భార్య భారతి కాకుండా సోదరి షర్మిల కనిపిస్తుండటంతో ప్రజల్లో కూడా భారతి ప్రచారానికి ఎందుకు రావడం లేదు? కోడలిని పక్కకుపెట్టడంలో ఆంతర్యమేమిటి? దానివెనుక ఏమైనా కుటుంబ విబేధాలున్నాయా? అన్న చర్చ జరుగు తోంది.

విజయమ్మ పక్కన షర్మిల కంటే భారతి ఉంటేనే ఎక్కువ సాను భూతి వచ్చేదని, అది కాదని విజయమ్మ తన కోడలిని పక్కకుపెట్టి, తల్లి ప్రేమతో కూతురును తీసుకువెళుతున్నారన్న అనవసర విమర్శలకు అవకాశం కలిగించినట్టయిందన్న భావన పెరుగుతుందని రాజకీయ వర్గాలు విశ్లేషిస్తున్నాయి. పైగా భారతి దూరంగా ఉన్నందున విజయమ్మ కోడలిని కాకుండా కూతురును ప్రోత్సహిస్తున్నారన్న భావన పెరుగుతుందంటున్నారు.  దీనితో భారతి కంటే షర్మిళకే ఎక్కువ ఇమేజ్‌ ఉన్న భావన ఏర్పడింది. ఇదిలాఉండగా, భారతి ఇక్కడ న్యాయవాదులను సమన్వయం చేసుకోవడం, జగన్‌తో మాట్లాడటం, కీలక వ్యవహారాలు చక్కబెట్టడంతో పాటు వ్యాపారాలపై దృష్టి సారిస్తున్నందుకే ఆమె విజయమ్మతో వెళ్లడం లేదని పార్టీ వర్గాలు చెబుతున్నాయి. అయితే విజయమ్మతో షర్మిళ వెళ్లడం జగన్‌కూ ఇష్టం లేదని, కొద్దిరోజుల ముందు జనంలోకి విజయమ్మ ఒక్కరే వెళ్లాలని నిర్ణయించాని, కానీ ఆమె కూతురును వెంట తీసుకు వెళ్లారంటున్నారు.