Posted: 05/15/2012 04:47 PM IST

ఇక భారీ మార్కెట్ కోసం ఈ మధ్య బాలీవుడ్ కి తన కేరాఫ్ అడ్రెస్ ని మార్చేసింది. అయితే తెలుగులో తమిళంలో ఆమె హవా కాస్త తగ్గితే, హిందీలో ఊపందుకుంటున్నట్టు కనిపిస్తోంది. 'దేవదాసు' సినిమాలో ఊరించే సౌందర్యంతో కుర్రకారు ప్రేక్షకులని ఉక్కిరి బిక్కిరి చేసిన ఇలియానా, అవలీలగా ఆ వెంటనే అగ్ర కథానాయికల లిస్ట్ లోకి చేరిపోయింది. ఇటు తెలుగులోనూ ... అటు తమిళ్ లోను యువ కథానాయకులతో జోడీ కట్టి ఏకధాటిగా తన హవాను కొనసాగిస్తూ వస్తోంది. ఆ మాటకొస్తే ఇక్కడ అవకాశాలు తగ్గాకే ఆమె అక్కడ కాన్సన్ ట్రేషన్ చేసిందనే వారు లేకపోలేదు.

 ఇదే మాటని ఆమె దగ్గర ప్రస్తావిస్తే, జయాపజయాల గురించి తానెప్పుడూ ఆలోచించలేదని అంటోంది. ఒకటి రెండు సినిమాలు ఫ్లాప్ అయినంత మాత్రాన ఇక్కడ తనని పక్కన పెట్టేశారని అనుకోవడంలేదని చెబుతోంది. కెరియర్ కి సంబంధించి అభద్రతా భావం తనకెప్పుడూ లేదనీ ... తన టాలెంట్ పై తనకి నమ్మకముందని అంటోంది. ప్రస్తుతం తాను 'జులాయి' ... 'దేవుడు చేసిన మనుషులు' సినిమాలతో బిజీగా ఉన్నాననీ ... తన కెరియర్ పై కొంత మందికి ఉన్నసందేహాలు తొలగించడానికి ఈ రెండు సినిమాలు చాలని ఆమె ధీమాగా చెబుతోంది.