Posted: 04/02/2012 07:36 PM IST

తమన్నా చేతిలో ప్రస్తుతం అరడజను సినిమాలున్నాయి. ఇందులో నాలుగు సినిమాలు నిర్మాణ దశలో ఉంటే... రెండు సినిమాలు మొదలుకావాల్సిఉంది. అన్నీ పెద్ద సినిమాలే. దీన్నిబట్టి ఈ ముద్దుగుమ్మ ఎంత బిజీనో అర్థం చేసుకోవచ్చు. ‘నిరంతరం షూటింగుల్లో బిజీగా ఉంటున్న మీరు కుటుంబానికి సమయాన్ని ఎలా కేటాయిస్తున్నారు?’ అని ఇటీవల తమన్నాను అడిగితే... విరక్తిగా నవ్వారు ‘నిరంతరం షూటింగుల్లో పాల్గొనడం నాకెంతో ఇష్టం. అలాగే ఇంట్లోవాళ్లకు దూరంగా ఉండటం మాత్రం కొంచెం కష్టం. కానీ ఏం చేస్తాం... తప్పదు.
ఒక్కోసారి మాత్రం ఇంట్లోవాళ్లపై బెంగ ఎక్కువైపోతుంది. అలాంటి టైమ్‌లో గొడవ చేసైనాసరే వాళ్లను నా దగ్గరకు పిలిపించుకుంటాను. అయితే... నా విషయంలో అమ్మా నాన్నా మాత్రం ఫుల్ హ్యాపీ. నేను ఎప్పుడూ ఇలాగే బిజీగా ఉండాలని వాళ్లు కోరుకుంటారు’’ అని చెప్పారు తమన్నా. ఇదిలావుంటే.. ఈ అందాలభామ ఏప్రిల్, మే, జూన్ మాసాల్లో నెలకో గిఫ్ట్ చొప్పున తన అభిమానులకు అందించబోతున్నారు.
ఆ మూడు బహుమతులు ఏంటా అనుకుంటున్నారా? ఏప్రిల్‌లో ‘రచ్చ’ రూపంలో ఓ గిప్ట్. మే నెలలో ‘ఎందుకంటె ప్రేమంట’ రూపంలో మరో గిఫ్ట్. జూన్‌లో ‘రెబల్’తో ఇంకో గిఫ్ట్. ఇలా వరుసగా మూడు గిఫ్ట్‌లు అనమాట. ఈ మూడు నెలల్లో నెలకొకటి చొప్పున తమన్నా సినిమాలు విడుదల కానున్నాయి. ఇది నిజంగా ఆమె అభిమానులకు శుభవార్తే కదా. పవన్‌కళ్యాణ్ ‘కెమెరామన్ గంగతో రాంబాబు’లో కూడా తమన్నానే కథానాయికగా నటిస్తున్నారు.