Posted: 03/10/2012 07:03 PM IST

కోవూరు ఉప ఎన్నికల్లో వైఎస్సార్ కాంగ్రెస్ పార్టీ అభ్యర్థి నల్లపరెడ్డి ప్రసన్నకుమార్‌రెడ్డి 50 వేల ఓట్ల మెజార్టీతో ఘనవిజయం సాధించనున్నారని ఆ పార్టీ అధికార ప్రతినిధిలు అంటున్నారు. కోవూరులో విస్తృత ప్రచారం చేస్తున్న వైఎస్సార్ కాంగ్రెస్ పార్టీ అధ్యక్షుడు జగన్‌మోహన్‌రెడ్డి పట్ల ప్రజలు చూపిస్తున్న ఆదరణ అమోఘమన్నారు.

నల్లపరెడ్డి ప్రసన్న కుమార్ రెడ్డి గెలుపు కోసం వైఎస్ఆర్ పార్టీ నాయకులు రంగంలోకి దిగారు. అందరు ప్రసన్న గెలుపు కోసం పోరాడుతుంటే.. వైఎస్ జగన్ మాత్రం .. ప్రసన్న పై పోరాటం చేస్తున్నాడని తెలిసింది. అంతేకాకుండా ప్రసన్న కు గట్టిగా క్లాస్ పీకాడనే వార్తలు కూడా వస్తున్నాయి. మన పార్టీ గెలవలంటే.. నీవు 10 కోట్లు ఖర్చు పెట్టాలని, లేకుండే మన పార్టీ పరువు పోతుందని, డబ్బు పెట్టకుండా నీవు ఎలా గెలుస్తావు? అని జగన్ సీరియస్ గా.. ప్రసన్నకు క్లాస్ తీసుకున్నాడని పార్టీ వర్గాలు అంటున్నాయి.

జగన్ క్లాస్ తీసుకోవటంతో.. ప్రసన్న ఒక్కసారిగా షాక్ గురైయ్యాడట. అదేంటండీ.. మీరు డబ్బులు ఇస్తారని, ఈ ఎన్నికల ఖర్చు మొత్తం మీరు పెట్టుకుంటారని నేను అనుకుంటుంటే.. మీరు ఇలా షాక్ ఇచ్చారని ప్రసన్న జగన్ పై ఎదురు దాడి చేయటం జరిగిందని ఆ పార్టీ సీనియర్ నాయకులు అంటున్నారు. ప్రసన్న అన్న మాటలకు .. జగన్ .కోపంతో.. నేను ఎప్పుడు డబ్బులు ఇస్తానని, మీకోసం ఖర్చు పెడతానని నేను ఎక్కడ చెప్పలేదు. అయిన నీ టిక్కెట్ కోసం నీ ఖర్చు పెట్టాలి గానీ .. నేనెందుకు ఖర్చు పెడతాను? అని ప్రసన్నకు జగన్ జవాబు ఇచ్చాడని.. పార్టీ కార్యకర్తలు అంటున్నారు.

జగన్ ఈ మాటలు మిగత నాయకులకు కూడా వర్తిస్తుందని జగన్ మరో సారి గట్టిగా అన్నాడట. అంతే.. పార్టీ ఉన్న సీనియర్ నాయకులు కూడా షాక్ తిన్నంత పనైందని వారు చెబుతున్నారు. ఈ ఉప ఎన్నికలకే ఇలా ఉంటే.. రాబోయే ఎన్నికల పరిస్థితి ఎలా ఉంటుందో .. ఒక్కసారి ఊహించుకోండి అని ప్రసన్న మిగత నాయకులను ఉద్దేశించి అన్నాడని.. ఆయన సన్నిహితులు అంటున్నారు.

జగన్ ఇలా ఫైర్ అవటం వెనక కూడా కారణం ఉందని అంటున్నారు. ఎందుకంటే.. నిన్న కాంగ్రెస్ ప్రజలను ఆకట్టుకోవటానికి .. రికార్డు డ్యాన్స్ ప్రొగ్రామ్ పెట్టించిన విషయం తెలిసిందే. అదే జగన్ మనస్సులో పెట్టుకొని.. ప్రసన్నకు క్లాస్ ఇచ్చినట్లు తెలుస్తుంది.