Posted: 03/09/2012 08:50 PM IST

సంపత్ నంది దర్శకత్వంలో,  మెగా సూపర్ గుడ్ ఫిల్మ్ బ్యానర్ పై మెగా పవర్ స్టార్ రామ్ చరణ్ నటిస్తున్న ‘రచ్చ’ సినిమా ఆడియో గ్రాండ్ గా లాంఛ్ కానున్న విషయం తెలిసిందే. ఈ ఆడియో ఫంక్షన్ ని మొదట మెగా అభిమానుల మధ్య కర్నూల్ లో నిర్వహించాలని అనుకున్నా కొన్ని కారణాల వల్ల అది కాస్త హైదరాబాద్ కి మారిన విషయం తెలిసిందే.

మరి ఈనెల 11 అంత అంగరంగ వైభవంగా జరిగే ఆడియో వేడుకకను చీఫ్ గెస్ట్ గా ఎవరు వస్తారు ? ఈ ఆడియోని ఎవరు లాంచ్ చేస్తారు అని అందరూ ఉంత్కంఠతో ఎదురు చూస్తున్నారు. ఈ ఆడియో వేడుకకి మెగాస్టార్ చిరంజీవి వస్తున్నాడని అందరు అనుకున్నారు. కానీ చిరంజీవి ఈ ఆడియో వేడుకకు దూరంగా ఉండబోతున్నాడని సమాచారం. ఎందుకంటే తన తమ్ముడు పవన్ నటించిన ‘పంజా’ ఆడియో ఫంక్షన్ కి మెగాస్టార్ హాజరు కాలేదు. దాంతో వాళ్ళ ఫ్యామిలీ మధ్య వైరం ఏర్పడిందని అందరు అనుకున్నారు. కానీ ఈ పుకార్ల పై రామ్ చరణ్ స్పందిస్తూ అలాంటివి ఏం లేవని కొట్టిపారేడు. అంత వరకు బాగానే ఉన్నా చిరు మాత్రం దీన్ని కొద్దిగా లోతుగా ఆలోచిస్తున్నాడట. ఎందుకంటే గతంలో పంజా ఆడియోకి చిరు రాలేదు. ఇప్పుడు రామ్ చరణ్ ఆడియోకి వస్తే తమ్ముడిని అవైడ్ చేస్తున్నాడనే భావం కలుగుతుందనే ఉద్ద్యేశ్యంతో చిరు ఈ ఫంక్షన్ అవైడ్ చేస్తున్నాడని సమాచారం.

ఈ చిత్రం ఆడియోకు ఛీఫ్ గెస్ట్ గా రామ్ చరణ్ ఉడ్ బి ఉపాసన రానుందని సమాచారం. ఆమె చేతుల మీదుగానే ఆడియోను విడుదల చేసే అవకాసముందని చెప్పుకుంటున్నారు. అయితే ఆమె ఫంక్షన్ కి వస్తాను కానీ స్టేజీ మీదకు రానని,తన చేతుల మీదుగా ఆడియో విడుదల చేయనని చెప్తోందని అంటున్నారు. రామ్ చరణ్ ఒప్పించే ప్రయత్నం చేస్తున్నారని చెప్పుకుంటున్నారు.