Posted: 02/18/2012 05:26 PM IST

కమల్ హాసన్ ముద్దుల పట్టి శ్రుతి హాసన్ .. ఇప్పుడు కమల్ పై నే కామెంట్ చేస్తుందని అంటున్నారు. ఇటీవల కాలంలో శ్రుతి మించిపోయిన శ్రుతి హసన్ అంటూ కొన్ని పత్రికలు గోల చేశాయి. ఆ వదంతులకు స్పందించడం మానేసి చాలా రోజులైంది. శ్రుతిహాసన్ బాగా యాక్ట్ చేయలేదని ఎవరైనా రాస్తే.. అందులో నిజం ఉంటే సరిదిద్దుకోవడానికి ప్రయత్నం చేస్తాను. అంతేకానీ శ్రుతి ఫలానా హీరోతో ప్రేమలో పడిందట అని రాస్తే.. నేనెందుకు స్పందించాలి? ఎవరో ఏదో టైమ్‌పాస్ కోసం రాసే వార్తలకు సమాధానం చెప్పాల్సిన అవసరంలేదు.

నేను కూడా అదే ఫాలో అవుతుంటా అని పలు సందర్భాల్లో పేర్కొన్నారు శ్రుతిహాసన్. ఇప్పటివరకు ఈ బ్యూటీ గురించి ఎన్నో వదంతులు వచ్చాయి. వాటిని స్పోర్టివ్‌గా తీసుకోకపోయినా శ్రుతి ఘాటుగా స్పందించిన దాఖలాలు లేవు. కానీ ధనుష్‌తో ఎఫైర్ సాగిస్తున్నారని వచ్చిన వార్తను మాత్రం ఆమె భరించలేకపోయారు. అందుకే ఈ వార్తను ప్రచురించిన తమిళ పత్రికపై కేసు పెట్టారు శ్రుతి. ఇది జరిగి దాదాపు నెల అయ్యింది. ఇప్పుడా పత్రికవారు.. శ్రుతిహాసన్‌కి క్షమాపణలు తెలిపారు.

ఇది తన జీవితంలో మర్చిపోలేని రోజు అని, కట్టుకథ అల్లారు కాబట్టే... క్షమాపణ చెప్పారని శ్రుతి పేర్కొన్నారు. ఇదిలా ఉంటే... మీ తండ్రి కమల్‌హాసన్ కాంబినేషన్‌లో ఎప్పుడు సినిమా చేస్తారు? అని శ్రుతిహాసన్‌ని అడిగితే -నాన్న ఓ లెజెండ్. ఆయన పక్కన నిలబడి యాక్ట్ చేయడానికి నాకింకా చాలా టైమ్ పడుతుంది. ముందుగా మా ఇద్దరికీ తగ్గ కథ కుదరాలి. ఆ తర్వాత నాన్నతో యాక్ట్ చేసేంత ధైర్యం నాకు రావాలి. ఇప్పట్లో అది జరగదని నా ఫీలింగ్. నేనింకా నేర్చుకునే దశలోనే ఉన్నాను. బాగా అనుభవం సంపాదించుకున్న తర్వాత నాన్నతో సినిమా చేస్తానని చెప్పారు.