Posted: 02/16/2012 06:26 PM IST

సినిమా హీరోయిన్స్ సినీ జీవితం ముగియాగానే .. తరువాతే చేసే పని రాజకీయ బాటలోకి వెళ్లటం. ఆలనాటి జయ లలిత నుండి ఇప్పటి రోజా వరకు ఇదే జరుగుతుంది. ఇప్పుడు అదే ఖాతాలో మరో యంగ్ హీరోయిన్ చేరబోతుందని తెలుస్తుంది. ఆమె ఎవరో కాదు మన బొమ్మరిల్లు హీరోయిన్ హాసిని ( జెనీలియా).

జెనీలియా కి రీసెంట్ గా పెళ్లైన సంగతి తెలిసిందే. ఇప్పుడు ఆమె ఓ మాజీ ముఖ్యమంత్రి కోడలు. దాంతో ఆమె ఆ కుటుంబ పేరు ప్రఖ్యాతులను కూడా దృష్టిలో పెట్టుకోవాల్సిన భాధ్యత ఆమెపై పడిందని దాన్ని దృష్టిలో పెట్టుకునో ఏమో కానీ మీడియా వారు అడిగిన ప్రశ్నలకు మా మామగారుని అడిగి చెప్తానని జెనీలియా చెబుతుందని మీడియా వారు అంటున్నారు.

తాజాగా ఆమె రాజకీయాల్లోకి రాబోతోంది. వచ్చే మహారాష్ట్ర అసెంబ్లీ ఎన్నికల్లో మామ విలాస్‌రావు దేశ్‌ముఖ్ తరఫున జెన్నీ ప్రచారంలో పాల్గొనబోతున్నారంటూ వార్తలు వచ్చాయి. దానిపై ఆమెని మీడియావారు కదిపితే ఆమె స్పందిస్తూ...నిజంగా అంకుల్‌కి నేను ప్రచారం చేస్తే మంచి జరుగుతుందనుకుంటే... ఆయన కోడలిగా ప్రచారానికి తప్పకుండా వెళతానని మీడియా ప్రతినిధులతో అంటుందని చెబుతున్నారు.

అయితే... ప్రస్తుతం వినిపిస్తున్న గాసిప్పు మాత్రం ఎవరో పనిలేనివాళ్లు క్రియేట్ చేసినది. ఈ గాసిప్పుతో మా ఇంట్లో ఎవరికీ ప్రమేయం లేదు అంది. అది సరే మీరు రాజకీయాల్లోకి వస్తారా అంటే...రాజకీయాల్లోకి వస్తే తప్పేంటి? అదేం నేరం కాదే. అయినా ప్రస్తుతానికి నేను వాటి గురించి ఆలోచించే స్థితిలో లేను. నేను పూర్తి చేయాల్సిన ప్రాజెక్టులు చాలా ఉన్నాయని. నా ఇంటికోసం, నావారి కోసం రాజకీయాల్లోకి రావాల్సి వస్తే తప్పకుండా వస్తానని . దానికి మావారి అభిప్రాయమే కాదు... మా మామగారి అంగీకారం కూడా అవసరం అని తేల్చేసే చెప్పిందని మీడియా వారు అంటున్నారు.