Posted: 02/09/2012 06:58 PM IST

అదేంటి టైటిల్ ని చూసి సమంతా ఒక్క రోజు రేటు 15 లక్షలా అని ఆశ్చర్య పోకండి. నిజమే ఒక్కరోజుకి సమంతా రేటు 15 లక్షలు. ఆగండాగండి .... ఒక్కరోజుకు అంత రేటు అంటే మీరు వేరేగా అర్థం చేసుకుంటే మీరు తప్పులో కాలేసినట్లే. ఈమె రేటు దేనికి 15 లక్షలు తీసుకుంటుందో తెలుసుకోవాలంటే ఈ స్టోరీ చదవండి.

‘ఏ మాయ చేసావె’ చిత్రంతో తెలుగు తెరకు పరిచయం అయిన భామ సమంతా. తన అందమైన నవ్వుతో అందరిని మాయ చేసి అగ్రహీరోల ప్రక్కన ఛాన్స్ లు కొట్టేస్తు అగ్ర తారగా ఎదుగుతుంది. అలాంటి సమంత దూకుడు లాంటి హిట్ చిత్రం తరువాత ఎన్నో భారీ ప్రాజెక్టులకు సైన్ చేసింది. అయితే అంది వచ్చిన అవకాశాన్ని సద్వినియోగం చేసుకోవాలనుకున్న సమంత తన రేటును అమాంతం పెంచేసింది. దాదాపు సమంతా ఒక్క సినిమాకి 80 లక్షల నుండి కోటి రూపాలయల వరకు డిమాండ్ చేస్తుందని సమాచారం. ఇటు సినిమాల్లోనే కాకుండా అటు యాడ్స్ లో కూడా సమంత దూసుకుపోతుంది. అయితే ఈ యాడ్స్ లో సమంత రీసెంట్ గా క్రిష్ దర్సకత్వంలో ఓ కమర్షియల్ యాడ్ చేసిన విషయం తెలిసిందే. ఓ సౌతిండియా షాపింగ్ మాల్ కోసం ఆమె రెండు రోజులు డేట్స్ ఇచ్చింది. అందునిమిత్తం అమె రోజుకు 15 లక్షల రూపాయల చొప్పున వసూలు చేసిందని సమాచారం. అంటే రెండు రోజులకు ముప్పై లక్షలు వసూలు చేసింది. ఇది యాడ్ ఫిలిం మార్కెట్లో చాలా పెద్ద మొత్తం. అయితే ఆమె తమ బ్రాండ్ ని ప్రమోట్ చేయటం తమకు గర్వకారణమే అంటున్నారు ఆ షోరూమ్ వారు. ఈ యాడ్ ఫిలిం లో ఆమె సంప్రదాయబద్దంగా కనిపించనుంది. ఈ రెండు రోజుల షూటింగ్ హైదరాబాద్ లోనే జరిగింది. ఇక సినిమావారు మాత్రం ఈ యాడ్ విషయం విని సినిమాలకు డేట్స్ ఇవ్వమంటే సమస్య పెడుతుంది కానీ వీటిని మాత్రం వదులుకోదు అంటున్నారు.

మరి ఈమెకు ఇంత రేటు పెట్టి ఒక్కరోజు ఎవరైనా మాట్లాడుకుంటారా అంటే... ఈమెకు ఒక్కరోజు డేట్స్ ఇవ్వడానికే ఖాళీగా లేదట. అంత బిజీగా ఉందట సమంతా. ఎందుకంటే ఈ హాట్ స్టార్ తెలుగులో కంటిన్యూగా సినిమాలకు వరసగా డేట్స్ ఇచ్చి వాటిని ఎడ్జెస్ట్ చెయ్యలేక ఇబ్బందిపడుతూ ఆమధ్య బెల్లంకొండ సురేష్ తో గొడవ పడి  ఫిల్మ్ ఛాంబర్ దాకా తెచ్చుకుంది. అయితే ఇప్పుడు సెటిల్ మెంట్ చేసుకుని వరస సినిమాలు గ్యాప్ లేకుండా కమిటైంది. ఇక సమంత వరసగా సిద్దార్ధ సరసన బెల్లంకొండ సురేష్ చిత్రం,రామ్ చరణ్ సరసన ఎవడు చిత్రం,మహేష్ సరనస దిల్ రాజు చిత్రం,నాని సరసన ఈగ,గౌతమ్ మీనన్ చిత్రాలు చేస్తోంది. ఏమైనా సమంతా అందరిని మాయ చేసి డబ్బులు వసూలు చేస్తుందన్న మాట.