Posted: 02/06/2012 06:06 PM IST

ప్రధాని పీఠాన్ని అధిష్టించాలన్న లక్ష్యం చుట్టే తన సోదరుడు రాహుల్‌గాంధీ నడుపుతున్న రాజకీయాలు పరిభ్రమిస్తున్నాయన్న ఆరోపణలను యూపీ కాంగ్రెస్ ప్రచార బాధ్యతలను స్వీకరించిన ప్రియాంక గాంధీ వధేరా త్రీవంగా ఖండిస్తున్నారు. ‘ఇప్పుడీ ప్రశ్న ఉత్పన్నం కాదు. మనకు అత్యుత్తమ ప్రధాని మన్మోహన్ సింగ్ ఉన్నారు, ఆయన చాలా నిజాయతీపరుడు, చక్కగా పనిచేసే వ్యక్తి ప్రధానిగా ఉండటం మన అదృష్టమని ప్రియాంక చెబుతున్నారట. 

ఉత్తరప్రదేశ్‌లో కాంగ్రెస్ పార్టీ తరపున ప్రచారం నిర్వహిస్తున్న ప్రియాంక , ఎన్నికల ఫలితాల కంటే తనకు అప్పగించిన బాధ్యతలను నెరవేర్చటంపైనే రాహుల్ దృష్టి సారించారని రాహుల్ పదవి కోసం ఆలోచించటంలేదని ప్రియాంక అంటున్నారు. అంతే కాకుండా రాహుల్ దేశ భక్తుడని, ఆయనకు పదవులు అవసరం లేదని ప్రియాంక చెబుతున్నారని కాంగ్రెస్ నాయకులు అంటున్నారు. 

రాహుల్ ప్రతిష్ట కోసం కాకుండా మార్పు కోసం శ్రమిస్తున్నా యువజన కాంగ్రెస్‌ను బలోపేతం చేయటానికి పునుకున్నారని ఆమె అంటున్నారు. పార్టీ అధ్యక్ష పదవిని, ప్రధాని పదవిని చేపట్టాలని రాహుల్ భావించటం లేదని , మా కుటుంబ సభ్యులు కూడా అలా అనుకోవట్లేలేదని ఇదంతా మీడియా సృష్టి’ అని ఆమె అంటున్నారట. అంతేకాకుండా కాంగ్రెస్‌కు గతంలో కంటే సీట్లు కచ్చితంగా పెరుగుతాయనే విషయం మాత్రం అర్థమైందన్నాదని చెబుతున్నారు.