Posted: 02/01/2012 04:17 PM IST

మెగా స్టార్ చిరంజీవి పుట్టిన ఊరు పశ్చిమ గోదావరి జిల్లా మొగల్తూరు అని ప్రతి ఒక్కరి తెలిసిన విషయమే. అయితే .. చిరంజీవి తన పుట్టినిల్లు తిరుపతి అని అంటున్నాడట. మెగా స్టార్ చిరంజీవి అలా ఎందుకు అన్నాడో .. ఒక సారి మీరే ఆలోచించండి. అవును చిరంజీవి చెప్పింది నిజమే. ప్రజల కోసం ఏ నాయకుడైన మారాలి. ప్రజలకు సేవ చేసే నాయకులు మాత్రమే ఇలా చెబుతారు. ఆయన తన అభిమానులు కోసం .. తనను ఎమ్మెల్యే గా ఎన్నుకొనిన ప్రజల కోసం ఆయన తన పుట్టినిల్లునే మార్చుకున్నారు. అలా ఎందుకు చిరంజీవి చెప్పారంటే?

ఆయన సినిమా రంగం నుండి ప్రజలకు సేవా చేయలని, ప్రజల మనిషిగా ఉండాలని .భావించి , ప్రజల కోరిక మేరకు పార్టీ పెట్టి .. ప్రజల మధ్యకు రావటం జరిగింది. ఆయన రాజకీయాల్లోకి రావటం కొంత మందికి నచ్చలేదట. ఆ కోపాన్ని .. చిరు రాజకీయాల్లో చాలా చిన్నవాడు, రాజకీయ అనుభవం లేదు లాంటి ఎన్నో విమర్శలు వచ్చినప్పటికి వాటికి ఎదురు నిలబడి.. తన పార్టీని విజయం వైపు నడిపించాడు. ఒక రకంగా చెప్పాలంటే .. చిరు ఇజ్ ది గ్రేట్ అనక తప్పదు. ఎందుకంటే .. రాష్ట్రంలో ప్రధాన పార్టీల మీద పోటీ అంటే చాలా కష్టం . అలాంటిది .. రాజకీయంగా చిరు మొదటి విజయం సాధించినట్లే లెక్క. మెగా స్టార్ చిరును తిరుపతి ప్రజలు ఎమ్మెల్యే ఎన్నుకోవటం జరిగిన విషయం తెలిసిందే. అయితే కాంగ్రెస్ , టిడిపిల చూపు చిరు పై పడింది. ముఖ్యంగా చంద్రబాబుకు చాలా భయం పట్టుకుందట. ప్రతిపక్ష నేతగా మొదటి సారి అసెంబ్లీలో మెగా స్టార్ చిరంజీవి అడుగు పెట్టాడు. అప్పటి నుండి .. బాబుకు ఇంక భయం ఎక్కువైందట. అయితే ... మెగా స్టార్ బలంగా ఉన్నప్పటికి .. ప్రజలకు సేవా చేయలంటే.. అధికార బలం కావాలి? అంటే ఒక్క ‘నీటి బొట్టు .. ఎవరికి దాహం తీరాదు’ అదే నీటి బొట్టు అనేకం కలిస్తే.. రాష్ట్రానికి దాహం తీరుతుందని భావించి.. చిరు ..తన పార్టీని అధికార పార్టీ అయిన కాంగ్రెస్ లో విలీనం చేసి.. ప్రజా నాయకుడిగా ఎదిగిపోయాడు.

చిరు బలానికి .. అధికారం బలం తోడై.. ప్రజలకు సేవా చేయటం చాలా సులభంగా ఉంటుందని, అందుకే పార్టీని కాంగ్రెస్ లో విలీనం చేసానని.. ప్రజలకు సంజాయిషి చెప్పిన మొట్ట మొదటి వ్యక్తి చిరు. అలా చిరు కాంగ్రెస్ పార్టీలో.. తన సత్తా చాటుకుంటూ.. ముందుకు పోతున్నాడు. చిరు పదవి కోసం కాంగ్రెస్ లో చేరాడు అని విమర్శలు చేసిన .. చిన్న పిల్లలా మాటలకు అర్థం లేకుండా చేశాడు. అంటే చిరు తన కంటే .. తనని నమ్ముకొన్న పార్టీ నాయకులకు పదవులు ఇప్పించి .. తన సున్నితమైన మనస్సు మళ్లీ నిరూపించాకున్నాడు.
ఈ రోజుల్లో .. పార్టీ కంటే.. పదవి ముఖ్యం అనే రాజకీయ నాయకులు చాలా మంది ఉన్నారు. పదవి కోసం కొట్టుకునే నాయకులు కూడా లేకపోలేదు. అలాంటిది .. చిరు తనకంటే.. తన పార్టీ ఎమ్మెల్యేలకు మంత్రి పదవులు ఇప్పించి.. ఇటు రాష్ట్ర ప్రజలలోను, అటు కాంగ్రెస్ అధిష్టానం .. దగ్గర మంచి నాయకుడిగా పేరు తెచ్చుకున్నాడు. అతి తక్కువ సమయంలో .. ప్రజా నాయకుడిగా ఎదిగిన వ్యక్తి .. చిరంజీవి అని ఢిల్లీ నాయకులు చెప్పుకోవటం చాలా విశేషం.

తనకు ఇంత ఘనత తెచ్చిన పెట్టిన తిరుపతి ప్రజలకు చిరు ఎంతో రుణపడి ఉన్నానని ఆయన అనేక సార్లు చెప్పటం జరిగింది. ఎలాగైన తిరుపతి ప్రజల రుణ తీర్చుకోవాలని .. చిరు అభిప్రాయపడుతున్నాడట. అందుకు గాను..ఇటీవల తన తనయుడు హీరో రామ్ చరణ్ తేజ్ నిశ్చితార్థం .. హైదరాబాద్ లో చాలా గ్రాండ్ గా జరిగిన విషయం తెలిసిందే. అయితే రామ్ చరణ్ పెళ్లి జూన్ నెల హైదరాబాద్ లో ఉంటుందని అంటున్నారట. కానీ చిరంజీవి తన కొడుకు రిసెప్సన్ మాత్రం తిరుపతిలో చేస్తానని తిరుపతి ప్రజలకు చెప్పారట. అదీ కూడా అర్థగిరిలో రామ్ చరణ్ ఉపాసనల రిసెప్షన్ ఏర్పాటు చేస్తామని చిరు చెబుతున్నాడట. తిరుమల వెంకన్న , కాణిపాకం, వినాయకుడి, అర్థగిరి ఆంజనేయుడి ఆశీస్సులు నవ దంపతులకు ఉంటాయని ఆయన అంటున్నాడట. అసలే చిరు ఆంజనేయ స్వామి భక్తుడని అందరి తెలిసిందే. ఈ విధంగా తిరుపతి ప్రజల సమక్షంలో తన కొడుకు రిసెప్షన్ చేయ్యలని చిరు ఉన్నాడని .. ఆయన అభిమానులు అంటున్నారు.