Posted: 01/02/2012 04:25 PM IST

ప్రిన్స్ మహేష్ బాబు అభిమానులకు శుభవార్త. ఏంటనేగా మీ డౌట్. మిమ్మల్ని మరో 20 సంవత్సరాల తరువాత అలరించడానికి మరో బుల్లి మహేష్ రాబోతున్నాడు. అంటే నమ్రత మళ్ళీ గర్భం దాల్చిందని అనుకుంటున్నారు. 2006 సంవత్సరలో మహేష్ – నమ్రతలకి ‘గౌతమ్ ’ జన్మించాడు. మళ్ళీ ఇప్పుడు మహేష్ దంపతులు మరో బిడ్డకు జన్మనివ్వబోతున్నట్లు సమాచారం. ఈ విషయాన్ని ఓ ప్రముఖ ఇంగ్లీష్ పత్రిక ప్రచురించింది.

‘‘ అందులో ఏమని ఉందంటే... కొన్ని రోజుల క్రితం నమ్రత తన అతి దగ్గరి సన్నిహితుల చెప్పుకుని పెద్ద పార్టీ కూడా చేసుకున్నారని, ఆ పార్టీకి క్లోజ్ ఫ్రెండ్స్ తో పాటు కుటుంబ సభ్యులు కూడా హాజరయ్యారని రాసింది. ఈ వార్త ఎంత వరకు నిజమో కానీ ఫిలిం నగర్ లో మాత్రం జనాలు దీని పై రకరకాలుగా చెప్పుకుంటున్నారు.

2011 సంవత్సరంలో ‘దూకుడు’ సినిమా విజయంతో దూకుడు మీదున్న ఉన్న ప్రిన్స్ సినిమాల విషయంలో కూడా దూకుడు ప్రదర్శిస్తున్నాడని, ప్రస్తుతం చేస్తున్న ‘బిజినెస్ మెన్’ సినిమా పూర్తి కాకముందే మరో ప్రాజెక్టు పై సంతకం చేశాడని, మరిన్ని సినిమాలకు సంతకాలు చేయడానికి సిద్దంగా ఉన్నాడని, ఈ ఊపులోనే ఆ పనిలో కూడా దూకుడుగా వ్యవహరించాడని, ఆ పత్రిక వార్త నిజమైతే మరో బుల్లి మహేస్ రాబోతున్నాడని సినీ జనాలు అంటున్నారు.