Posted: 12/07/2011 04:38 PM IST

వైయస్సార్ కాంగ్రెస్ పార్టీ అధ్యక్షుడు జగన్మోహన్ రెడ్డికి మీడియా ఫోబియా పట్టుకుని ఇంకా వదలడం లేదా ? అంటే అవుననే అంటున్నాయి మీడియా వర్గాలు. దాదాపు రెండున్నరేళ్ల తరువాత మీడియా ముందుకు వచ్చిన జగన్ మీడియా అడిగిన ప్రశ్నలకు సమాధానం ఇవ్వకుండా పోవడమే జగన్ మీడియా ఫోబియా పట్టందని అంటున్నారు.

ప్రధానంగా తెలుగు మీడియా అంటే ఆయనకు వణుకు, భయం. ఆ వణుకు రెండున్నరేళ్ళయినా ఇంకా పోయినట్లు లేదు.
అవిశ్వాస తీర్మానం వీగిపోయిన తరువాత తొలిసారిగా మీడియా ముందుకు వచ్చిన జగన్ తెలుగు మీడియాను చూడగానే ఒక్కసారిగా చల్లబడ్డాడు. మీడియా ముందుకు వచ్చిన జగన్ తాను చెప్పదలుచుకున్నది తడబడుతూ చెప్పారు. తరువాత మీడియా అడిగిన ప్రశ్నలకు భయపడిపోయి పోయాడు. తొలి ప్రశ్నకు కూడా సమాధానం చెప్పలేదు. మీడియా ప్రశ్నల వర్షం సందిస్తుండగానే, మీకు సమాధానాలు చెప్పాల్సిన అవసరం లేదని, నేను జాతీయ మీడియాతో మాట్లాడి వస్తానని చెప్పి అటే అడ్రస్ లేకుండా వెళ్ళి పోయాడని అంటున్నారు.

అయితే జర్నలిస్టులు ఈయన వైఖరి పై తీవ్ర నిరసన వ్యక్తం చేస్తున్నారు. ఎప్పుడు జాతీయ మీడియాతోనే మాట్లాడే జగన్ తెలుగు మీడియాను అవమాన పరుస్తున్నాడని ఆగ్రహించిన జర్నలిస్టులు నిరసన వ్యక్తం చేశారు. జగన్ ఈ తీరు పై కొందరు మండి పడుతున్నారు.
తెలుగు మీడియా అంటేనే భయపడే జగన్ తెలుగు ప్రజల కష్టసుఖాలు ఏం తెలుసుకుంటాడని, తెలుగు మీడియాను చిన్నచూపు చూస్తున్నాడని అనుకుంటున్నారు.