Posted: 12/07/2011 03:16 PM IST

మహానటి సావిత్రి  (75) జయంతిని పురస్కరించుకొని చెన్నైలో వజ్రోత్సవ వేడుకలు ఘనంగా నిర్వహించారు. మాజీ ఎమ్మెల్యే, అంబికా గ్రూప్ ఆఫ్ కంపెనీస్ అధినేత అంబిక క్రిష్ణ ఆధ్యక్షతన ఈ కార్యక్రమం ఘనంగా జరిగింది. ఈ కార్యక్రమానికి ముఖ్య అతిథిగా తమిళనాడు గవర్నర్ కొణిజేటి రోశయ్య ముఖ్య అతిథిగా పాల్గొన్నారు. ఈ కార్యక్రమానికి తానా అధ్యక్షుడు తోటకూర ప్రసాద్, సావిత్రి కుమార్తె విజయఛాముండేశ్వరి, జెమినీ గణేష్ కూతురు డాక్టర్ కమలా సెల్వరాజ్, విజయవాడ ఎంపీ లగడపాటి రాజగోపాల్ సతీమణి పద్మశ్రీ పాల్గొన్నారు.

ఈ కార్యక్రమంలో ఎంపీ లగడపాటి రాజగోపాల్ సతీమణి పద్మశ్రీకి ‘మహానటి సావిత్రి’ పురస్కారం ఇచ్చారు. ఈమె మాజీ మంత్రి ఉపేంద్ర కూతురు. తమిళనాడు గవర్నర్ రోశయ్య చేతుల మీదుగా ఈ అవార్డు అందజేశారు.అయితే ఇంత వరకు బాగానే ఉన్నా ఈమెకు ఎందుకు ఆ అవార్డు ఇచ్చారనే అనుమానం అందరికీ కలుగుతుంది. అంత గొప్పనటి అవార్డు ఈమెకు ఇవ్వాల్సినంత గొప్ప పని ఈమెగారు ఏంశారు ? తన భర్త లగడపాటి రాజగోపాల్ ల్యాంకో హిల్స్ పెట్టి తన కుటుంబం వరకే లాభపడ్డారు. ఈమె ఇంత వరకు ఏ సామాజిక సేవ కూడా చేసినట్లు లేదు. సామిత్రి గుండమ్మ కథ, మాయాబజార్ లాంటి ఎన్నో చరిత్రలో నిలిచిపోయేటటువంటి సినిమాలలో నటించిందుకు గాను ఆమెకు ఆ పురుస్కారం ఇచ్చారు. ఈమె మరి ఈమె ఆమె లాగా నటి కాదు, నర్తకి కాదు మరి అటువంటి అప్పుడు ఈమెకు ఎందుకు ఇచ్చారని ప్రజలు అనుకుంటున్నారు.

ఒక వేళ అలాంటి పురస్కారం ఇవ్వాలను కుంటే ఎంతో సహజంగా నటించి మంచి పేరు తెచ్చకున్న జయప్రద, జయసుధలకు ఇచ్చి సత్కరించాలి. కానీ ఇలా రాజకీయ నాయకుల సతీమణులకు, అసలు నటన, కళలు, సేవ అంటే తెలియని వారికి ఇలాంటి మహానటి పురస్కారం ఇచ్చి కించపరచకూడదు అని ప్రజలు, సావిత్రి అభిమానులు అనుకుంటున్నారు.