Posted: 11/24/2011 04:46 PM IST

విలక్షణ నటుడు, దశావాతారాలు ఒక్కసారే పోషించిన నటుడు కమల్ హాసన్ గారాల పట్టి పెద్ద కూతురు స్రతిహాసన్ సినిమా రంగంలో అడుగుపెట్టి అప్పుడే పెద్ద హీరోలతో నటించే అవకాశాలు కొట్టేసింది. ఈమె తెలుగులోనే కాకుండా, హిందీలో కూడా పెద్ద హీరోల సరసన నటిస్తుంది. సినిమా రంగంలోకి ప్రవేశించిన ఈమెకు ఇప్పటి వరకు సరైన హిట్ రాలేదు.

ఈమె సిద్ధార్థతో కలిసి ‘అనగనగా ఓ ధీరుడు’’ తెలుగులో చేసినా అది పెద్దగా ఆడలేదు. తరువాత మురుగదాస్ దర్శకత్వంలో వచ్చిన భారీ చిత్రం ‘7న్త్ సెన్స్’ చిత్రంలో నటించినా ఆశించిన స్థాయిలో విజయం దక్కలేదు. అంతకు ముందు హిందీలో ఓ సినిమా బికినీ తో చేసినా అక్కడ చుక్కెదురే అయ్యింది. మొన్నటికి మొన్న ‘ఓ మై ఫ్రెండ్’ తో తెలుగులో తన లక్ ని పరీక్షించుకుంది. ఈసారి కూడా కలిసి రాలేదు.

తనకంటూ ఓ తెలుగు గుర్తింపుని తెచ్చుకుందామని తెలుగులో జూనియర్ ఎన్టీఆర్ నటించడానికి కమీట్ అయినా, ఏదో షెడ్యూలు బిజీ వలన ఈ క్రేజీ ప్రాజెక్టు నుండి తప్పుకుంది. అయితే తాజాగా పవన్ కళ్యాణ్ ’గబ్బర్ సింగ్’ సినిమాలో పెట్టుకుందాని పవన్ అనుకున్నాడట. కానీ ఈమె గ్రాఫ్ ని ఒక్కసారి పరిశీలించితే అతనికి ఈమెది ఐరెన్ లెగ్ అనే అనుమానం కలిగిందట. మురుగదాస్ డైరెక్షన్ చేసిన సినిమానే ఆ మాత్రం ఆడిందంటే... ఖచ్ఛితంగా ఈమెది ఐరెన్ లెగ్ అనే భావన కలిగిందట. దానికి తోడు పవన్ కళ్యాణ్ ఎక్కువ సెంటిమెంట్ గురించి ఆలోచిస్తాడు. సినిమా అంటేనే సెంటిమీద మీద ఆధార పడి ఉంటుంది. ఒకవేళ ఈమెని పెట్టుకుంటే ‘గబ్బర్ సింగ్’ ఉంటుందో, పోతుందో అనే అనుమానంతో ఈమెని ఈ ప్రాజెక్టు నుండి తొలగించినట్లు తెలుస్తుంది.