అంచనాలకు మించి మెగాస్టార్ చిరంజీవి ‘గాడ్ ఫాద‌ర్’ ఎంట్రీ.. ఫ‌స్ట్ లుక్ వీడియో అదుర్స్

Posted: 07/04/2022 07:53 PM IST

టాలీవుడ్ మెగాస్టార్ చిరంజీవి టైటిల్ రోల్ చేస్తున్న‌ చిత్రం గాడ్ ఫాద‌ర్‌ గాడ్ ఫాద‌ర్. కోలీవుడ్ స్టార్ డైరెక్ట‌ర్‌ మోహ‌న్ రాజా డైరెక్ట్ చేస్తున్న ఈ చిత్రం నుంచి మెగా ఫాన్స్ మాత్రమే కాకుండా ప్రపంచవ్యాప్త సినీ అభిమానులు అదిరిపోయే అప్‌డేట్ ను అందించారు చిత్రబృందం. ఈ చిత్రం నుంచి గాడ్ ఫాదర్ గా మెగాస్టార్ చిరంజీవి ఫ‌స్ట్ లుక్ వీడియోను లాంఛ్ చేశారు. గాడ్ ఫాద‌ర్‌గా చిరు సాల్ట్ పెప్ప‌ర్ లుక్‌లో బ్లాక్ కుర్తా పైజామాలో బ్లాక్ అంబాసిడ‌ర్ కారులో వ‌చ్చి అసెంబ్లీలోకి ఎంట్రీ ఇస్తున్న విజువ‌ల్స్ మూవీ ల‌వ‌ర్స్ కు అదిరిపోయే ట్రీట్ అందిస్తున్నాయి.

కొణిదెల ప్రొడక్షన్స్‌, సూపర్‌ గుడ్‌ ఫిల్మ్స్‌ సంయుక్తంగా తెరకెక్కిస్తున్న మూవీ గాడ్‌ఫాదర్. మెగా ఫ్యాన్స్‌లో ఎంతగానో ఆసక్తి రేపుతున్న ఈ సినిమా నుంచి వచ్చిన ఈ ఫస్ట్‌ లుక్‌ అభిమానుల అంచనాలకు మించివుంది. చిరంజీవి సరికొత్త లుక్‌లో కనిపిస్తున్నాడు. కాలు మీద కాలు వేసుకొని చెయిర్‌లో దర్జాగా కూర్చొన్న చిరంజీవిని ఈ పోస్టర్‌లో చూడొచ్చు. గాడ్ ఫాదర్‌లో చిరు క్యారెక్టర్‌ను ఇంట్రడ్యూస్‌ చేసిన విధానం అద్భుతంగా ఉంది. వేలాది మంది కార్యకర్తలు వేచి చూస్తుండగా పార్టీ ఆఫీస్‌కు వచ్చిన చిరు కారులో నుంచి కిందికి దిగడం, తనదైన స్టైల్లో నడుస్తూ వెళ్లడం గూస్‌బంప్స్‌ తెప్పిస్తున్నాయి.

బ్లాక్‌ కుర్తా వేసుకున్న చిరుకు ఫుల్‌ వైట్‌ అండ్‌ వైట్‌లో ఉన్న సునీల్‌ కారు డోరు తీయడం చూడొచ్చు. ఈ గెటప్‌లో చిరును చూసిన ఫ్యాన్స్‌ పండగ చేసుకుంటున్నారు. మోహన్‌రాజా దర్శకత్వం వహిస్తున్న ఈ సినిమాకు థమన్‌ మ్యూజిక్‌ అందిస్తున్నాడు. ఆర్బీ చౌదరి, ఎన్వీ ప్రసాద్‌ నిర్మాతలు. కొణిదెల సురేఖ సమర్పిస్తోంది. బాలీవుడ్‌ సూపర్‌ స్టార్‌ సల్మాన్‌ ఖాన్‌ ఈ సినిమాలో గెస్ట్‌ రోల్‌ పోషించాడు. చిరు పక్కన ఫిమేల్‌ లీడ్‌ రోల్‌లో నయనతార కనిపించనుంది. ఈ సినిమా దసరాకు ప్రేక్షకుల ముందుకు రానుంది.