పంచకట్టులో సైకిల్ పై మెగాపవర్ స్టార్.. ఆర్సీ 15 ఫోటో నెట్టింట్లో వైరల్

Posted: 04/05/2022 09:01 PM IST

మెగా పవర్‌ స్టార్‌ రామ్‌ చరణ్‌కు సంబంధించిన ఓ షాకింగ్‌ లుక్‌ ప్రస్తుతం నెట్టింట విపరీతంగా చక్కర్లు కొడుతోంది. ఈ ఫొటో చెర్రి పంచెకట్టులో కనిపించాడు. ఈ తాజా లుక్‌ చూసి చరణ్‌ ఇలా మారిపోయాడేంటి అని అంతా షాక్‌ అవుతున్నారు. అంతేకాదు అచ్చం పల్లెటూరి వ్యక్తిలా పంచె కట్టుకుని సైకిల్‌పై కనిపించాడు. ఈ లుక్ రంగస్థలం చిత్రంలోనిదని అనుకునేందుకు వీలులేదు. ఎందుకంటే అందులో రామ్ చరణ్ ఎక్కడా వైట్ అండ్ వైట్ లో కనిపించలేదు. అయితే అయితే ఈ లుక్‌.. చరణ్‌ తాజా సినిమా (ఆర్సీ15 మూవీ) సెట్‌ నుంచి లీకైనట్లు తెలుస్తోంది. డైరెక్టర్‌ శంకర్‌ దర్శకత్వంలో భారీ బడ్జెట్‌తో ఆర్సీ15 తెరకెక్కతున్న సంగతి తెలిసిందే.

ఇందులో చరణ్‌ ప్రభుత్వ ఉద్యోగిగా కనిపిస్తాడని మొదటి నుంచి చెబుతున్నారు. అయితే పంచెకట్టుతో ఉన్న ఈ తాజా లుక్‌ను చూసి అంతా ఆలోచనలో పడ్డారు. ఈ తాజా బజ్‌ ప్రకారం ఈ సినిమాలో చరణ్‌ నాలుగు విభిన్న పాత్రల్లో కనిపించానున్నాడని జోరుగా ప్రచారం జరుగుతోంది. అందులో ఈ లుక్‌ ఒకటని అంటున్నారు. కాగా శంకర్‌ సినిమా అంటే అందులో ఓ ఫ్లాష్‌బ్యాక్‌ ఎపిసోడ్‌ తప్పసరిగా ఉండాల్సిందే. ఆయన దర్శకత్వంలో రూపొంది బిగ్గెస్ట్‌ హిట్‌గా నిలిచిన భారతీయుడు, జెంటిల్‌మెన్‌ అపరిచితుడు వంటి చిత్రాల్లో కూడా ఫ్లాష్‌బ్యాక్‌ సీన్స్‌ ఉన్నాయి. అవి ఆ సినిమాకు హైలెట్‌గా నిలిచాయి.

అలాగే ఆర్సీ15లో కూడా 1930 సమయంలో ఓ ఫ్లాష్‌బ్యాక్‌ ఎపిసోడ్‌ ఉందని తెలుస్తోంది. ఈ ఎపిసోడ్‌లో చరణ్‌ ఓ పోలిటికల్‌ లీడర్‌గా కనిపిస్తాడట. ఇందుకు సంబంధించిన షూటింగ్‌ రీసెంట్‌ జరగగా.. ఇప్పుడు లీకైన ఈ ఫొటో ఆ ఫ్లాష్ బ్యాక్ సన్నివేశాలకు సంబంధించినదేనని ఫిల్మ్ నగర్ లో గుసగుసలు వినిపిస్తున్నాయి. కాగా ‘దిల్‌’ రాజు, శిరీష్‌ నిర్మిస్తున్న ఈ సినిమాకు తమన్‌ మ్యూజిక్‌ డైరెక్టర్‌. ఈ సినిమాను వచ్చే ఏడాది సంక్రాంతి టైమ్‌లో రిలీజ్‌ చేయాలనే ఆలోచనలో ఉంది చిత్రయూనిట్‌.